События

Район башлыгы студентлар белән очрашты

Кичә Арча педагогика көллиятендә район башлыгы Илшат Нуриев студентлар белән очрашты. 

— Авылларда кеше саный кими. Мине шул мәсьәлә борчый. Шәһәргә китәсез дә кайтмыйсыз. Ни өчен? Нинди проблемалар бар? Без нәрсә эшләп бетермибез? — дип мөрәҗәгать итте ул яшьләргә.

Районда югары, һөнәри уку йортларын тәмамлап эшкә кайтканнар өчен нинди мөмкинлекләр бар? Бу көнне әнә шул хакта сүз барды. Студентлар каршында җитәкчеләр, эшмәкәрләр чыгыш ясады.