События

Арчалар “Иске Казан түгәрәк уены”ннан лауреат булып кайтты

13 май көнне Биектау районының Шәпше мәдәният йортында “Иске Казан түгәрәк уены”  Республика татар фольклоры фестиваль-конкурсының йомгаклау туры узды.  

Яңа Кенәр авыл Мәдәният йортының “Яшьлегем тугае” фольклор коллективы “Кичке уен” күренешен күрсәтеп, I дәрәҗә  лауреат, Якты Көн авыл клубының “Уракчы кыз” фольклор коллективы “Угыз бәйрәме” күренешен күрсәтеп, II дәрәҗә лауреат, Арча балалар сәнгать мәктәбенең Альберт Гайнетдинов җитәкчелегендәге Хасанова Зимфира, Айгөл Гарифуллина, Айсылу Мортазинадан торган  “Гөсләчеләр” ансамбле III дәрәҗә лауреат, Арча балалар сәнгать мәктәбе укытучысы Альберт Гайнетдинов халык музыка уен коралларында уйнап, III дәрәҗә лауреат исемнәренә лаек булдылар.