События

Арча Укучылар сараенда «Сәләтлеләр университеты» ачылды

Арчага «Казанның ачык сәләтлеләр университеты» ның башкаручы директоры Айдар Фәрит улы Акмалов кайтты. Әлеге әһәмиятле чарада район башкарма комитеты җитәкчесе урынбасары Рамил Гарифҗанов, район мәгариф идарәсе җитәкчесе Зөлфәт Дәүләтбаев, Укучылар сарае җитәкчесе Руслан Гыйниятуллин катнашты. Иң башта кунак укучылар сараенда эшләп килүче түгәрәкләрнең эше белән танышты. Аннан соң «Сәләтлеләр университеты»н рәсми рәвештә ачтылар. Төрле кызыклы проектлар уйлап табучы укытучылар һәм укучылар үзләренең уңышка ирешкән һәм яңа проектлары белән таныштырдылар. Соңыннан Айдар Акмалов белән Зөлфәт Дәүләтбаев үзара хезмәттәшлек итү буенча килешүгә кул куйдылар.