События

09.10.2024 “Яңарыш“ ширкәте баш зоотехнигы Рамилә Вәлиуллина Россиядә – өченче!

“Яңарыш“ ширкәте баш зоотехнигы Рамилә Вәлиуллина Мәскәүдә Тимирязев исемендәге авыл хуҗалыгы академиясендә узган өченче Бөтенроссия зоотехник-селекционерлар конкурсында өченче урынны яулады. Ширкәттә терлекчелектә яңа программалар, цифрлаштыру кебек яңалыклар кертүдә аның өлеше зур.

07.10.2024 Мәктәп еллары гомергә уелып кала
Лесхоз мәктәбендә бик күңелле, матур очрашу булды. Бәйрәмгә Лесхоз мәктәбендә эшләп ялга киткән өлкәннәр чакырылган иде. Шул мәктәптә эшләүче Зәлия Саттарова программаны зәвыклы итеп эшләгән иде. Шулкадәр матур җылы очрашу булды ул. Мәктәп елларындагы матур хәтирәләр, күңелле вакыйгаларны искә алып күңелләргә үтеп керә торган моңлы җырлар тыңлап бәйрәмдә кунак булып кайттык.

06.10.2024 Яңа Кырлайда Ат көне узды
әйрәмдә ТРның авыл хуҗалыгы һәм азык-төлек министры урынбасары Гөлүс Баязитов, ТР Дәүләт советы депутаты Назиф Газизов, Теләче районы башлыгы Айрат Фатхуллин катнашты. Ярышларда 100ләп ат җитезлеккә, чыдамлыкка сыналды. Иртән иртүк атлар озын дистанциягә чыгып китте. 21 ат 40, 80, 120, 160 км.га ярыштылар.

05.10.2024 Фирдания һәм Әдһәм Шәриповлар 60 ел бергә гомер итәләр

Бриллиант туй: 60 ел бергә 
Фирдания һәм Әдһәм Шәриповларда чын мәгънәсендә китап итеп язарлык гаилә тарихы һәм шул истәлекләр арасында гыйбрәт алырлык хатирәләр бар. 60 ел бергә гомер итү дәверендә шатлык-куанычлары да, сынаулары да күп була.

Фирдания ханым Субаш Аты авылыннан. Әтисе сугышка киткәндә 10 айлык бала булып кала ул. Гаиләдә алты бала булалар. 1958 елдан кыз Арчада яши. Гомере буе тегүче булып эшли.

04.10.2024 Үз агачыңны утырт

3 октябрьдә Арча педагогика көллияте студентлары Арча шәһәренең Ямашев, Кызыл Бистә  урамнары янәшәсендәге тау битләренә агачлар утырттылар.

Мондый игелекле эштә бу атнаның шимбәсендә күп кеше катнашыр дип көтелә.

03.10.2024 Котлыйбыз
Авыл хуҗалыгы өлкәсендәге казанышлары һәм күп еллар буе намус белән эшләве өчен «Ватан» агрофирмасы» җаваплылыгы чикләнгән җәмгыяте баш агрономы Габдрәис Әгъләм улы Рамазановка Россия Президенты Указы нигезендә «Россия Федерациясенең атказанган авыл хуҗалыгы хезмәткәре» дигән мактаулы исем бирелде.

03.10.2024 Арчада ветераннар арасында шашка һәм шахмат ярышлары була

3 октябрь көнне ветераннар арасында шашка һәм шахмат буенча ачык турнир уздырыла

«Арча» спорткомплексында 55 яшьтән өлкәннәр өчен ачык турник оештырыла. Шашка һәм шахмат ярышларына теркәлү – 9.00дә, уеннар 10.00 сәгатьтә башлана. Төп хөкемдар – Сөләйман Галиуллин

02.10.2024 Урманчыга беренче һәйкәл

Арча урман хуҗалыгында гаять күңелле, мәгънәле һәм тарихи вакыйга булды – Урманчыга – урман саклаучыга һәйкәл ачылды.

Тантанада ТР урман хуҗалыгы министры Равил Кузюров, Арча һәм Саба районнары башлыклары Илшат Нуриев, Рәис Миңнеханов, ТР муниципаль берәмлекләр ассоциациясе җитәкчесе киңәшчесе Алмас Назиров, директор Шамил Хәйруллин, урманчылар, башка кунаклар катнашты.

01.10.2024 Илшат Нуриев 100 яшьлек райондашларны котлады
1 октябрьдә район башлыгы Илшат Нуриев Иске Иябаш авылында яшәүче тыл ветераны Минҗофар Сабированы, Арча шәһәрендә яшәүче тыл ветераны Гөлирам Хаялованы Өлкән яшьтәге кешеләр көне белән котлады, бүләкләр тапшырды.

27.09.2024 Арча Мәдәният йортында махсус хәрби операциядә һәлак булган хәрбиләрнең әти-әниләренә, хатыннарына, якыннарына дәүләт бүләкләре тапшырдылар.
Герой булып тумыйлар, батырлык үрнәкләре күрсәтеп герой исемен яулыйлар. Көчле рухлы, туган җире өчен җаваплылык хисләре белән янган, ватанына, үз халкына тугры булган егетләребез моны батырлыклары белән исбатлый. Махсус хәрби операция барышында һәлак булган егетләребезне бер минутлык тынлык белән искә алдылар.

26.09.2024 Берәү дә битараф калмады

Безгә Арча педагоия көллияте гимназиясе укытучылары Алия Гыйләҗева һәм Әлфия Төхфәтуллина яза.

Ничек итеп яшьләрнең игътибарын авыл хуҗалыгына, игенчелеккә юнәлтергә? Мең кат сөйләгәнче бер кат күрү яхшырак булыр дигән ният белән Г.Тукай исемендәге Арча педагогия көллиятенең гимназия сыйныфы укучылары “Ак барс” агрокомплексына сәяхәткә барды. Укучылар өчен бу гаҗәеп һәм көтелмәгән яңалык булды. Анда безне  хуҗалык җитәкчесе Ленар Абдуллин, агрокомплексның агрономнары Булат Сәләхов һәм Илүсә Шәрәфиева каршы алдылар. Алар ипинең өстәлгә ничек килүе турында яратып һәм кызыклы итеп сөйләделәр. Бу сөйләүләр бер генә баланы да битараф калдырмады. Һәркемдә тизрәк бу күренешләрне үз күзләре белән күрәсе килү теләге уянды

25.09.2024 Министр безнең районда

25 сентябрьдә Татарстан Республикасы Премьер-министры урынбасары-авыл хуҗалыгы һәм азык-төлек министры Марат Җәббаров Арча районында булды.

25 сентябрьдә Татарстан Республикасы Премьер-министры урынбасары-авыл хуҗалыгы һәм азык-төлек министры Марат Җәббаров Арча районында булды. Аны район башлыгы Илшат Нуриев каршы алды һәм озатып йөрде.

23.09.2024 Зиннур Тимергалиев: “Илһамны мин туган яктан алам”

21 сентябрь көнне Сөрде авылы мәдәният йортына иҗат сөючеләр җыелды

Язучы-прозаик, шагыйрь, райондашыбыз Зиннур Тимергалиевка 50 яшь тулу уңаеннан иҗат кичәсе узды. Биредә язучының туганнары, якыннары һәм Сөрде авылы халкы катнашты.

22.09.2024 Районыбызда узган “Татарстан кроссы – 2024”тә 300дән артык кеше катнашты
Районыбызның мәктәп укучылары, көллият студентлары, төрле оешмада эшләүчеләр, спорт ветераннары 1-3 чакрым аралыкны йөгереп үттеләр. Ярышлар алты яшь категориясендә уздырылды. 
Спорт бәйрәмен район башлыгы Илшат Нуриев ачты. 

21.09.2024 Арчада фильм төшерелә
"Районыбызда "Әлифба" китабы авторы, Татарстанның атказанган укытучысы Сәләй Гатат улы Вагыйзов турында документаль фильм төшерелә. Күмәк күренешләрдә райондашларыбыз, мәдәният хезмәткәрләре дә катнаша. 

20.09.2024 Арчаның 10нчы балалар бакчасында көзге ярминкә узды
19 сентябрь көнне районыбызның 10нчы балалар бакчасында көзге ярминкә узды. Сату-алу башланганчы, нәниләр концерт куйды. Балалар да, тәрбиячеләр дә җырлап-биеп күңел ачтылар. Әти-әниләр өчен уеннар да әзерләнгән иде.  

19.09.2024 Район иҗтимагый советы Яңа Чуриледә һәм Югары Атыда булды
Район иҗтимагый советы әгьзалары (җитәкчесе Надия Мифтахетдинова) Яңа Чуриле психоневрология интернат йортында һәм Югары Курса авылында мәшһүр мәгьрифәтче Г.Курсави музеенда булдылар.

18.09.2024 Арчага республика ветераннары килде
Татарстан Республикасы ветераннар советы белән Арча районы ветераннар советының пленар утырышы булды. ТРның аетераннар советы рәисе Хәбир Иштирәков кайтты. Республиканың аетераннар советлары рәисләре, актив ветераннар Арчага килде.

16.09.2024 Әфганстан һәм Чечня сугышларында катнашкан Утар Аты мәктәбен тәмамлаучы ир-егетләрнең исемнәре – Мактау тактасында

14 сентябрь көнне Утар Аты мәктәбенә төрле елларда хәрби хәрәкәтләрдә катнашучы, шушы мәктәпне тәмамлаган ир-егетләр җыелды.

Җыелуның сәбәбе – Әфганстан һәм Чечня сугышларында катнашучы авылдашлар хөрмәтенә мактау тактасы һәм тарихи почмак ачылу. Мәктәп укучыларын шул дәһшәтле еллар белән таныштырып, районыбыз горурлыгы булган хәрбиләр белән очраштыру һәм патриотлык хисләрен тәрбияләү – чараның төп максаты иде.

15.09.2024 Гомере буе җитәкче урыннарда

Районның билгеле шәхесе Зөфәр Насыйровка 75 яшь тулды

Үз ветераны турында кайгыртып,  район социаль яклау идарәсенең башлангыч ветераннар советы рәисе Руфия Баһаветдинова да безнең белән элемтәгә чыкты.

14.09.2024 Авыл халкын ял иттерә дә белергә кирәк!
Концертны Айван мәдәният йорты директоры Рәмзия Миннәшәева кызы, студент Эльза алып барды. Авыл үзенең үзешчәннәре белән дә бай. Авылдашлар Арча үзәк хастаханәсендә эшләүче Светлана Хаҗиева, Айван китапханәсе мөдире Гөлнар Шәмсетдинова, авыл мәдәният йорты сәнгать җитәкчесе Ләйсән Ялаева һ.б. һәр чарада актив катнашалар, җырлап, биеп, авыл халкына менә дигән ял бүләк итәләр.

13.09.2024 Габденнасыйр Курсави исемендәге музей ачылышы
Югары Курса авылында Габденнасыйр Курсави исемендәге музей ачылды. Музей 1835 елда татар эшкуарлары Апанаевлар төзеткән тарихи мәчет бинасына урнашкан. Тантаналы чарада ТР Дәүләт Советы депутаты Марат Готыф улы Әхмәтов та катнашты.

12.09.2024 Алар аз, әмма сыната торганнар түгел

Узган шимбәдә Арча ДОСААФ оешмасында “Автосессия –2024” дип аталган машина белән идарә итүче студентлар арасында район бәйгесе булды.

Яшьләргә карап сокланмый мөмкин түгел. Бәйгегә килгәннәр, әмма барысы да бик тыныч, өлкәннәр кебек хафаланмыйлар да, ничек булыр икән, дип борчылмыйлар да.

11.09.2024 Сез барыгыз да җиңүче

Узган җомгада Арча ДОСААФы оешмасында “Автобабай-2024” һәм “Автоәби-2024” ярышы үткәрелде.

Дамир Шакиров өченче, Тәнзилә Вәлиева дүртенче тапкыр  автомобиль йөртүчеләр арасында үткәрелгән бәйгедә җиңүче булды.

10.09.2024 Бакчасы да бик матур

Арчаның Шәрык мәчете бакчасында розалар быел икенче тапкыр чәчәк атты.

“Мәчетнең эче дә, тышы да матур булырга тиеш”, – ди шәһәрнең көнчыгыш территория идарәсе рәисе Ринат Сафин. Ул үзе дә әлеге розаларны даими тәрбияләп тора, янәшәдәге йортта яшәүче Фәния апа да бик булыша, ди.

09.09.2024 Солдатларга ярдәм йөзеннән

Сайлауларны дә тулыландырырга, аның барышында төрле чаралар оештырырга була. Моны шуралар исбатлады. "Солдатларга ярдәм ит" акциясе үткәрәр, махсус хәрби операция барган зонадагы егетләргә әйберләр җыйдылар. "Минем гаиләм" акциясе барышында авылның матур гаиләләрен билгеләп үттеләр. Бу хакта Шура клубы җитәкчесе Клара Хөсәенова хәбәр итте.

09.09.2024 Ташкичүдә сетка үргәннәр
Ташкичү авылы сайлау участогы Мәдәният йорты бинасында урнашкан. Бүген анда махсус хәрби операция барган зонага җибәрү өчен маскировка сеткасы үрүне дә оештырганнар.

08.09.2024 Яшьләр сынатмый
Район яшьләр эшләре буенча, спорт һәм туризм бүлеге җитәкчесе Әмир Вәгыйзов 6 сентябрьдә урып-җыюда яхшы эшләүче яшь механизаторларга Рәхмәт хатлары, бүләкләр тапшырды.

07.09.2024 Алдынгылар рәтендә
Район башлыгы Илшат Нуриев 7 сентябрьдә “Ак барс” агрокомплексы” ширкәтендә терлекчелектәге эшләр белән танышты. Бу хуҗалык бөтенләй терлекләрсез калган иде. Бүген ул бу өлкәдә уңышлар яулый, алдынгы хуҗалыклар рәтенә басты.

06.09.2024 Арча модельләре - икенче дәрәҗә лауреат
Арча балалар сәнгать мәктәбенең «Хәят» этник костюм театры төркеме кызлары җитәкчеләре Кәримова Альмира Әхтәм кызы, Галимҗанова Айгөл Рәдис кызы, Гомәрова Альбина Данис кызы Санкт-Петербург шәһәрендә узган «Музы белых ночей» XVII халыкара костюм дизайны һәм кулланма иҗат бәйгесендә катнашып, заманча этно-костюм номинациясендә 2 дәрәҗә лауреат исеменә лаек булды. 

05.09.2024 Арчада «Автобабай-2024» була
Арчада «Автобабай-2024» бәйгесе оештырыла. 55 яшьтән өлкәнрәк машина белән идарә итүче ханымнар, 60 яшьтән өлкәнрәк ир-атлар чакырыла.

04.09.2024 Куркыныч фаҗигадә һәлак булганнарны искә алып
“Экстремизмга  юл-юк!”: ункөнлеге кысаларында Арча "Өмет чаткысы" тернәкләндерү үзәгендә мөмкинлекләре чикләнгән балалар һәм яшүсмерләр өчен берничә чара үткәрелде. Чаралар 2004 елның 1сентябрендә булган Бесландагы фаҗигагә һәм бөтен дөньяда террорчылар китергән башка терактларга багышланган иде.

03.09.2024 Халыктан ишеткән рәхмәт сүзләре, аңлаулары көч бирә

30 август көнне Арча стадионында махсус хәрби операция барган зонадагыларга ярдәм йөзеннән ярминкә үткәрелде.

Бу хакта без волонтер Алинә Латипова белән сөйләштек.

02.09.2024 Арчаның 5 нче гимназиясендә икеләтә бәйрәм

Бүген Арчаның 5 нче гимназиясендә икеләтә бәйрәм булды.

Белем көне генә түгел, ныклап төзекләндерүдән соң укучыларның яңартылган мәктәп ишеген тәүге тапкыр ачып керүләре дә бәйрәмгә әверелде. Укучы һәм укытучыларның шатлыгын уртаклашырга район хакимиятеннән, ТР Мәгариф һәм Фән министрлыгыннан да кунаклар килгән иде.

30.08.2024 Венетадан Михаил Филиппов 50 елдан артык шикәр чире белән көрәшкән өчен медаль белән бүләкләнде
Венета авылында яшәүче Михаил Филиппов А.Ю Майоров исемендәге ”50 мужественных лет с диабетом” медале белән бүләкләнде. Бу турыда безгә район үзәк хастаханәсе табиб-терапевты, эндокринолог Индира Урманова хәбәр итте.

29.08.2024 Республика көнендә Арчада узачак чараларга рәхим итегез

30 август - Республика көнендә Арчада гаилә белән бергәләп ял итү өчен мөмкинлекләр күп булачак.

Бәйрәм чаралары бүген , 29 августта кич үк велойөреш белән башланып китәчәк.

Бәйрәм чараларында гаиләләрегез белән көтеп калабыз, хөрмәтле райондашлар!

28.08.2024 “Мин.Син.Татарстан” яшьләр автобусы Арча районында булды

Яшьләр белән очрашу шәһәр стадионында узды.

Республика көне алдыннан районыбызга “Мин.Син.Татарстан” яшьләр автобусы килде. Махсус автобус Арча стадионында туктады. Марафонны оештыручылар белән районның эшләүче яшьләре очрашты. Башта оештыручылар федераль һәм республика дәрәҗәсендә гамәлгә ашырыла торган дәүләт ярдәме чаралары турында мәгълүмат бирде. Яшьләрнең һәркайсының Татарстан Республикасы Яшьләр парламентының яңа составына керү мөмкинлеге бар, дип билгеләп үтте алар.

27.08.2024 «Казанка»да урак бетте

27 августта “Казанка” ширкәте җитәкчесе Айдар Сабиров район башлыгы Илшат Нуриевка быелгы уракны төгәлләүләре турында рапорт бирде, яңа уңыш ашлыгыннан пешерелгән икмәк тапшырды.

Район башлыгы Илшат Нуриев “Казанка” хуҗалыгы хезмәтчәннәренә зур оешканлык күрсәтеп эшләгәннәре өчен рәхмәт әйтте, яңа уңышлар теләде.

26.08.2024 Арчада мәгариф хезмәткәрләренең август киңәшмәсе узды

26 августта Арчада мәгариф хезмәткәрләренең август киңәшмәсе булды.

Анда РФ Дәүләт Думасы депутаты Илдар Гыйльметдинов, ТР Мәгариф һәм фән министрлыгының өстәмә һөнәри белем бирүне үстерү бүлеге җитәкчесе Роза Шәяхмәтова, район башлыгы Илшат Нуриев катнашты.

25.08.2024 Сүзебез Шушмабаш мәктәбе турында
Арчада үткән мәктәпләр ярминкәсендә Шушмабаш мәктәбе үзенең авыл хуҗалыгы культуралары үстерүе белән сокландырды. Агрокласслар оештырылган мәктәп бу.

24.08.2024 Арчада мәктәпләр ярминкәсе
Бу юлы да сокланып карадык һәм кирәк әйберне сатып алдык. Ярминкә белән танышырга район башлыгы Илшат Нуриев та килде. Халык та күп иде. Яшелчә, җиләк-җимеш, бәрәңге, мунча себеркесе, үләннәр  сатып алдылар. Рәхәтләнеп концерт карадылар. 2024 ел - Гаилә елы, 2024 ел - Татарстанда фәнни-технологик үсеш елы. Шул уңайдан эчтәлекле күргәзмәләр оештырылган иде. "Бергә булганда - без көчле!" - дуслык, туганлык, милләтләр дуслыгы турында бик матур чыгышлар булды.

22.08.2024 «Дан өчен түгел, егетләребез өчен»

21.08.2024 Алабугада сәяхәттә булдылар
Арча районы ветераннары, өлкәннәребез Ташкичү мәдәният йортында эшләп килүче  "Өммегөлсем" халык фольклор коллективы белән берлектә Алабуга шәһәрендә сәяхәттә булып кайттылар. Бик күп мәгълүматлар туплап, рәхәтлек алдык, диләр. 

20.08.2024 Мәктәп ярминкәсе була. Рәхим итегез!

Арча районы халкы игътибарына!

24 август көнне Арчадагы Җиңү паркы каршындагы мәйданда мәктәпләр ярминкәсе була. Иртәнге 7 дә башлана. 

19.08.2024 “Сөембикә гөлләре”ннән

Арча Укучылар сарае каршында эшләп килүче Илһамия Гыйлаҗиева җитәкчелегендә “Сөембикә гөлләре” бию коллективы да ярдәм күрсәтүдән читтә калмады.

Бу хакта безгә Арча мәгариф идарәсе методисты Алия Фәйзрахманова хәбәр итте.

18.08.2024 Аллаһы Тәгалә кабуллардан кылсын

Татарстанда РФ Кораллы Көчләре белән контракт төзергә теләүчеләргә социаль түләүләр өч тапкыр артты

Хәзер бер тапкыр бирелә торган түләү 1,7 миллион сумга җитә. Ул республикадан, РФ Оборона министрлыгыннан, районнан бирелә торган түләүләрне кушып исәпләнә.

17.08.2024 Бер нигә дә карамый

Элегрәк урман яңгырларны үзенә тарта, дип әйтәләр иде. Хәзер алай түгел, нигәдер урманнан читтә ява яңгырлар

Дөрес аңлагыз, сүз урак өстендәгесе турында түгел, иң кирәкле чак – июнь, июль айлары турында  бара.

– Бездә 10 июньнән 29 июльгә кадәр бер тамчы  яңгыр төшмәде, – ди урманнарга сыенып утырган “Ак барс“ агрокомплексы“ ширкәте җитәкчесе Ленар Абдуллин. – Хәзер ява яңгырлар, ярый әле борчакны алып өлгердек, анысына да бөтен халыкны җыярга туры килде.

16.08.2024 Кырдагысы түгел, амбардагысы икмәк

Хәтерләүчеләр быелгы елны 1978 ел белән чагыштыра.

Мин үзем дә яхшы хәтерлим әле. Ул чакта райкомда инструктор булып  эшли идем.

“Ракета“ колхозын бюро утырышына әзерләдек. Ил буенча Ипатов методын  кертеп маташкан вакытлар. Кыскача гына әйткәндә –  комбайннарны басудан  кайтармыйча эшләү. Идеясе әйбәт, чөнки техниканы әрле-бирле йөртәсе юк, күпме ягулык азрак тотыла, караңгыда юлларда йөрү хәтәр дә бит.

15.08.2024 Яңа Кырлай авылында балалар сабантуе булды

Бик күңелле үтте ул. Авыл халкы оештыручыларга бик рәхмәтле.

Заманында авыл җирлеге башлыгы булып эшләгән Фарук Мортазинның кияве Алмаз Фатыйхов, Казанда яшәүче Яңа Кырлай егетләре Айрат Хашимов, Айрат Сабиров, Арча егете Рәдис Закиров - бергәләп оештырдылар.

14.08.2024 Иске Кенәрдә авылдашлар очрашты

10 август көнне Иске Кенәр авылы халкы һәм биредә туып үсеп, чит җирләрдә яшәүчеләр авылның элеккеге клуб урынына җыелды

Бу очрашуны оештыруны шушы авылда туып-үскән, бүгенге көндә Яңа Кенәрдә гомер итүче Наҗия Әхмәтҗанова тәкъдим итә. Телефондагы аралашу төркемендә «утыручы» авылдашлар, бигрәк тә шул чор кызлары, бу фикерне хуплап, бик теләп әзерлек эшләрен башлап җибәрәләр. 

13.08.2024 Шушмабаштан Шиһаповларның гаилә бәйрәме узды

12.08.2024 Арча мөхтәсибәте башлап җибәрде
Арча мөхтәсибәте "Мәктәпкә җыенырга ярдәм ит” акциясен башлап җибәрде. “Бердәм Россия" партиясенен Арча бүлекчәсе җитәкчесе Җәләлетдинов Тәлгать Таһир улы белән очраштык һәм беренче сыйныф укучыларына мәктәп кирәк-яраклары тутырылган сумкаларны тапшырдым. Шушы акция барышында барлыгы 160 дане букча хәзерләп бирдек. Районыбызда авыр хәлдә калган, күп балалы гаиләләрдә тәрбияләнүче һәм инвалид балаларга, якыннары махсус хәрби операция зонасында булган балаларга ярдәм йөзеннән мәрхәмәтлелек чарасы булып тора. Аллаһы Тәгалә кабуллардан кылсын!" - диде Әмир хәзрәт Миннемуллин 

11.08.2024 Ишле гаилә – эшле гаилә

Авылда күп балалы, ихтирамга лаек гаиләләр шактый булса да, Хәбибрахманов Рөстәм абыйлар гаиләсе турында тәфсилләп, тулырак язасым килә.

Ике туган тынышып яши алмаган бу заманда, бер-берсе өчен җан атып торучы туган җанлы, бердәм, кешелекле булулары белән аерылып торучы  балалары турында белгәннәремне сезгә дә җиткерергә булдым. Олы уллары Мөхәрләм белән яшьтәшләр, сыйныфташлар булуым да, аннары Рөстәм абый белән күп еллар Шекә бригадасында бергә эшләвем дә бу гаиләне яхшы белүемә этәргеч булгандыр дип уйлыйм. 

10.08.2024 Арча мөхтәсибәтеннән «Урал» мотоциклы СВОга китте
Арча мөхтәсибәте мөселманнары Җиңү көнен якынайту максатыннан күпсанлы эшчәнлек алып бара. Районыбыз һәм авыл мәчетләрендә сеткалар үрү оештырылды, гуманитар ярдәм җыюга һәрдаим үз өлешләрен кертәләр. Махсус хәрби операция зонасына ГАЗель автомобиле алып тапшырдылар. Шушы көннәрдә "Урал" мотокциклы алдылар. Арча муниципаль районы башлыгы Илшат Нуриевның хәер-фатихасы белән мотокциклны мөфтияткә Казанга озаттылар, аннан ул хәрби хезмәт җиренә тапшыралачак.

09.08.2024 Агитбригада юлда
Арча Мәдәният йорты каршында эшләп килүче РасихГгалимҗанов җитәкчелегендәге агитбригада өчен дә урып-җыю чоры иң кызу вакыт. Хәзерге вакытта үзешчән артистлар ындыр табакларында концерт куя. Күптән түгел алар Шушмабаш һәм Апаз авыл җирлекләрендә булып, хезмәтчәннәрнең күңелен күреп кайтты.

08.08.2024 Илһамыгыз кимемәсен, Рәфкать абый
Казанбаштан Рәфкать ага Низамиев кечкенәдән хисле бала була. Мәктәптә укыган вакытында ук шигырьләр яза. “Яшь ленинчы” газетасында басылып та чыга алар.

07.08.2024 Таулар күчерергә була
Югары Оры авылы халкы да гуманитар ярдәм әзерләүдә үз көчен кертә. Авыл төркеменә әйтеп язу белән ярдәмгә ашыга.

06.08.2024 Авыл халкы белән горурлана
Байкал авылы халкы узган ел биш маскировка өчен сетка үргән булган. Быел яңадан эшкә тотынганнар.

05.08.2024 Ярдәм итәргә әзерләр

Шура халкының бердәмлеге турында беренче генә ишетүебез түгел. Аларга бер тапкыр “кирәк” дип әйтү җитә.

Бу юлы да Яңа Кенәрдән Рашат Сабирҗанов: ”Маскировка өчен сеткалар үреп бирә алмассызмы?” – диюгә, шуралар җиң сызганып эшкә керешә.

04.08.2024 26 июльдә “26“ да очрашу
26 июль көнне “26 авылы“ (халык телендә шулай атала) халкы урман буенда кабат очрашты. Бу инде егерме ел дәвам итә.

31.07.2024 Арчаның өлкәннәр һәм инвалидлар йорты ярминкәгә әзерләнә
Бөтенроссия Спасс ярминкәсенә. Ул Алабугада булачак.

Арчаның өлкәннәр һәм инвалидлар йортында уйлашканнан соң тәлинкәләргә сурәтләр ясарга булалар. Һәм җыелышып эшкә тотыналар. Уңышлар телик үзләренә.

30.07.2024 Кысна авылында беренче тапкыр авыл көне үткәрелде
Бик күңелле үткән. Бергә озак, матур яшәгән гаиләләр һәм яшь парлар котлап үтелгән. Милли уеннар, җыр, биюләр белән үрелеп барган бәйрәм. Татарча көрәш тә булган. Авыл халкы бик канәгать калган. Оештыручыларга рәхмәт әйтеп бетерә алмыйлар.

29.07.2024 “Ура, авылга!“

Әлеге проект кысаларында Урта Курсада оештырылган лагерьда 43 бала ял итте.

Алар биш көн эчендә әйдаманнар әзерләгән бик күп кызыклы чараларда катнаштылар. Программада халкыбызның гореф-гадәтләре, йолалары белән танышуга зур урын бирелгән иде.

28.07.2024 Парлы тормышка ни җитә?!
Арчада яшәүче Саймә һәм Илгиз Бәйрәмовлар илле ел бергә. Аларны районда яхшы беләләр. Илгиз абый авыл хуҗалыгы идарәсендә эшләсә, Саймә апа бала табу йортында акушер иде.

24.07.2024 Дога булып барып ирешсен
Иске Ашыт мәдәният йортында танылган җырчы Фердинат Фәтхиның әнисе, Татарстанның атказанган мәдәният хезмәтксре Саяра ханымны искә алу кичәсе үтте. Кичә истәлекле мизгелләрне искә төшерү һәм матур җырлар, биюләр белән үрелеп барды. Якын тирә авыл клублары, мәдәният йортлары хезмәткәрләре һәм үзешчәннәре бик матур чыгыш ясады. 

22.07.2024 Татарстан командасы өчен безнең Әмин дә уйнады
Краснодарда 17 яшькә кадәргеләр арасында волейбол буенча җәйге спартакиаданың финалы узды. Зона ярышларында җиңгән 12 команда катнашты. Татарстан командасы мәскәүләргә генә бирешеп, икенче урынны яулады. Команда составында безнең районнан Әмин Димөхәммәтов уйнады.

21.07.2024 «Сөлгеле капка» капкасын кабат ачты
Кичә Ташкичүдә "Сөлгеле капка"  ачык фольклор фестивале узды. Ул района быел өченче тапкыр үткәрелә. Максаты - йолаларны искә төшерү, яшьләргә җиткерү, тәҗрибә уртаклашу

20.07.2024 Арчаның «Шәрык» мәчете каршында

Безгә балаларны тәрбияләүдә бик зур өлеш кертергә кирәк.

Арча шәһәре «Шарык»  мәчете каршында Ислам динен өйрәнү буенча рухи-сәламәтләндерү курслары уза. Малайлар һәм кызлар белән күрешеп аларга нәсихәт сүзләрен җиткердем.

19.07.2024 Сәрдәбашта Питрау бәйрәме узды

Бәйрәмне Сәрдәбаш авылы клубы каршында эшләп килүче “Туым җондызы” керәшен халык фольклор ансамбле башлап җибәрде.

50 ел бергә гомер иткән Вера һәм Михаил Архиповларны котлап, бүләкләр тапшырдылар. Быел армиядән кайтучыларны да мәйдан түренә чакырдылар. Аларга матур теләкләр әйтеп, бүләкләр бирделәр.

18.07.2024 Көллияткә бүләккә комбайн бирделәр
Арча агросәнәгать көллиятенең 80 еллыгын бәйрәм иткәндә “Ак барс“ агрокомплексы“ ширкәте җитәкчесе Ленар Абдуллин көллият директоры Зөлфәт Дәүләтбаевка “Нью-Холланд“ комбайны бүләк итү турында сертификат тапшырган иде.

15.07.2024 Арчада җиңел машина йөртүче хатын кызлар ярышты

13.07.2024 Сагынып сөйләрлек кеше ул

Татарстан Республикасы атказанган төзүчесе Анатолий Николаевич Смирновны Арчада белмәгән кеше сирәктер. Аның исеме юллар белән бәйле.

Анатолий Николаевич 1985 елның маеннан 1997 елның июленә кадәр ДРСУ (юл ремонт-төзелеш идарәсе) җитәкчесе булып эшләде.

12.07.2024 Солдаттан рәхмәт хаты

Хәрби хәрәкәтләрдә катнашкан ветеран Илнур Яруллин Корьән ашы үткәрде.

Ниятләр изге. Ил-көннәребез тыныч, улларыбыз исән-сау булсыннар. Догаларны Радик хәзрәт Кәримов укыды. Илнур Яруллин Корьән ашына килгән кадерле кунакларга "Солдаттан рәхмәт хаты" тапшырды.  Яңа Кенәрдән махсус хәрби операция зонасыннан ялга кайткан Инсаф Салихов та хатыны Раилә, кызы Камилә белән килгән иде. Уллары махсус хәрби операциядә булган аналар Мәмсәдән Нәзирә Хәйруллина, Яңа Кенәрдән Нурия Галимова шулай ук кадерле кунаклар булдылар.

10.07.2024 «Гаилә учагы» Арчадан Балтачка китте

8 июль – Гаилә, мәхәббәт һәм тугрылык көнендә Арчаның “КазанСу” паркында бәйрәм узды.

Гаилә – рухи һәм әхлакый кыйммәтләрне саклаучы, ата-бабалар тәҗрибәсен, тәрбиясен олы хәзинә итеп кадерләп саклаучы, буыннарны  бәйләүче өзелмәс җеп. Районыбызның һәм илебезнең тотрыклы үсеше гаиләләрнең ни дәрәҗәдә нык булуына бәйле.

09.07.2024 Арчада яшәүче Татьяна һәм Александр Зимановлар алтын туйларын билгеләп үтте

Бу көнне аларга район башлыгы Илшат Нуриевның котлавы һәм истәлек бүләкләре тапшырылды.

Ежков урамында урнашкан иң матур йортларның берсендә яши алар. Зур түгел ул, әмма күңел җылысын биреп хуҗаның үз кулы белән эшләнгән.

08.07.2024 100 яшендә очрашырга дип сөйләштек

Иске Кишет авылында яшәүче Нургали абый белән ул үткән юлларны барлап рәхәтләнеп сөйләшеп утырдык.

Әле яңа гына 95 яшен тутырган кешенең күргәннәре, башыннан кичергәннәре калын бер китап язарлык.

07.07.2024 Афәрин, Ислам!
Балалар, оныклар ирешкән уңышлар һәр ата-ана, әби-бабайлар өчен зур шатлык инде ул. “Северный“ ширкәте баш инженеры Самат Йосыповның улы Исламның авыл хуҗалыгы машиналарын файдалану буенча Россия күләмендәге һөнәри осталык чемпионатында икенче урынны алуын ишеткәч тә куанып куйдым.

06.07.2024 Чын ир-егет үстергән Анага рәхмәт!
Район башлыгы Илшат Нуриев исеменә махсус хәрби операция зонасында хезмәт итүче райондашыбыз, гвардия лейтенанты Олег Андреевич Никитинның әнисе Анна Арсентьевнага тапшыруны сорап улының командиры Рәхмәт хаты җибәргән. Анда Олег Андреевичны әти-әнисе үз Ватанының чын патриоты итеп тәрбияләүләре әйтелә.

05.07.2024 Сугышта хәбәрсез югалганнар табылды
“Казан арты” музее узган атнада райондашларыбызны үзенчәлекле чарага җыйды. 80 елга якын исемнәре хәбәрсез югалганнар рәтендә булган якташларыбызның якыннары рәсми хәбәр кәгазен кулларына алды.

05.07.2024 Арчада бүген гаилә белән велосипедта сәяхәт иттеләр
Арча спорт комплексыннан кузгалдылар. Тимер юл вокзаллына төштеләр. Аннан Арчаның шәрык мәчетенә менделәр. Арчаның 5нче гимназиясенә килделәр. Район мәдәният йорты янында финиш бирделәр. Әлеге сәяхәттә катнашучылар бик канәгать калдылар.

04.07.2024 Арчада яшәүче Гөлирам апага 100 яшь тулды
Бүген Арчада яшәүче Хәялова Гөлирам Шакир кызын 100 яшьлек юбилее белән котларга Арча муниципаль район башлыгы Илшат Нуриев килде.

Гөлирам Хәялова Апас райнында дөньяга килгән. Яшь чагында төрле хезмәт башкарырга туры килгән үзенә, ирләр белән беррәттән урман да кискән.

03.07.2024 Рәхмәт, юлчыларга!

Җәй юлларны карау өчен уңай вакыт

Шуңа да юл салучы, юлларны ныклап төзекләндерүче оешмалар җәйдән файдаланып калырга тырыша.

“Без өч районга – Арча, Әтнә, Теләче районнарына һәм, гомумән, республикага хезмәт күрсәтәбез, – дип сөйләде республиканың “Татавтодор” җәмгыяте Арча филиалы җитәкчесе Альберт Сафиев

02.07.2024 Районыбызның ун гаиләсе узган ялларны табигать кочагында уздырды

29 һәм 30 июньдә районыбызда Арча укучылар сараеның “Сәламәт Арча” проекты кысаларында “Ял-Юл” җәяүле сәяхәте узды. 

Чираттагы районкүләм чара турында хәбәр әзерләргә дип йөргән җиремнән, Укучылар сараеның директор урынбасары, проектның авторы Айгөл Галәветдинова үземне дә бу сәяхәттә катнашырга чакырды. Озак уйламый гына ризалаштым һәм шимбә көнне иртә белән, кызымны алып, Укучылар сараена юнәлдем. 

01.07.2024 Райондашыбыз галим-агрономга 75 яшь тулды
Заманында районның иң көчле агрономнарының берсе булган Галиуллин Гомәр Мифтах улына 75 яшь тулды. Аны юбилее белән бергә эшләгән хезмәттәшләре котлады. Районның баш агрономы Раил Шакирҗанов аңа ТР Авыл хуҗалыгы һәм азык-төлек министрлыгының Рәхмәт хатын тапшырды.

28.06.2024 Гөлзада апа, сез Күлтәс өчен янып яшисез!
17 июньдә Күлтәс авылы мәчетендә Корбан ашы булды. Бу мәҗлесне авылыбызда туып-үскән, хәзерге вакытта Нагорный бистәсендә гомер итүче  авылдашыбыз Гөлзада апа Шәяхмәтова үткәрде. Коръән ашына аның гаиләсе-кызлары, туганнары һәм авылдашлар җыелды.

28.06.2024 Арчаның Кызыл Бистә урамында Корьән ашы үтте
Арчаның Кызыл Бистә урамында Корьән ашы үтте

27.06.2024 Якташыбыз Җәүдәт Ибраһим улы Фәйзрахмановны туган көне белән котлыйбыз!
Бүген, 27 нче июнь көнне, озак еллар Казан дәүләт аграр университеты ректоры булып эшләгән Җәүдәт Ибраһим улы Фәйзрахмановның туган көне! “Арча якташлыгы” җәмәгать оешмасы Сезне туган көнегез белән котлый!

26.06.2024 Кәчедән Галәвиевлар - ярдәмчел кешеләр

Арча районының Кәче авылында гомер итүче Фәнисә (29 яшь) һәм Ринат (33 яшьтә) Галәвиевларның гаилә корып яши башлавына 7 ел. Авылда төпләнеп, гөрләтеп тормыш көтәләр.

Берничә йорт салырга өлгергәннәр, уртак бизнеслары бар. I һәм II группа инвалид туганнарын да тәрбиялиләр. Күптән түгел икенче тапкыр әти-әни булганнар. Олы кызлары Руфинәгә 6 яшь, уллары Нариманга 5 ай.

26.06.2024 Наласадан Марат Вахитовны котлыйбыз!
ООО АФ Игенче хуҗалыгы агрономы Вахитов Марат Мирзаян улы Татарстан Республикасы Рәисе Р.Н.Миңнеханов катнашында узган «Сабантуй-2024» Республика милли бәйрәме кысаларында бүләкләнде.

25.06.2024 Шундый якташыбыз белән горурланабыз

Марат Сабиров Кәчедә туып үскән. 1986 елның 6 августында туган. Ике малай әтисе.

Без күптән түгел район Иҗтимагый советының күчмә утырышында Кәче мәктәбендә булдык. Музеена кердек. Музейда махсус хәрби операциядә катнашучыларга аерым бер почмак эшләп куйганнар.

24.06.2024 Без сокланабыз сезгә!

Республиканың пенсионерлар берлеге ел да Казанда спартакиада кысаларында спорт ярышлары оештыра

Бу әһәмиятле чарадан безнең район пенсионерлары да читтә калмый. Быел башта май аенда “Арча“ спорт комплексында район спорт ярышларында катнаштылар.

23.06.2024 Ул 82 елдан соң туган авылына кайтты
Яңа Кишет авылында яшәүче Закир Вәлиев Бөек Ватан сугышына 1941 елның 27 августында алына.

22.06.2024 Ташкичүдә СВОдан ялга кайткан авылдашлары белән очраштылар

Мәдәният йортында бик тә эчтәлекле матур кичә үтте, дип хәбәр иттеләр Ташкичү мәдәният йорты хезмәткәрләре.

Кичәбезнең сәбәпчесе : СВО да хезмәт итүче, 4 нче тапкыр ялга кайтучы, кайткан саен күкрәгендә медальләры артып, мактау һәм рәхмәт грамоталары тулы булган, безнең горурлыгыбыз Фирдусебез булды

21.06.2024 Авыр туфрагың җиңел булсын Гарәфетдин абый
Күлтәс авылында яшәгән Бөек Ватан сугышы ветераны Гарәфетдин ага Зиннуровны соңгы юлга озаттылар. Хушлашу мәрәсимендә район башлагы Илшат Нуриев, сугышчан туганлык оешмасы әгьзалары, авылдашлары, якыннары катнашты

20.06.2024 Алар - Арча районының “алтын фонды”
Төрле дәрәҗәдәге олимпиадаларда җиңү яулаган укучылар һәм аларны әзерләгән укытучылар район Мәдәният йорты сәхнәсенә күтәрелде.

19.06.2024 Яңа Кырлайда төзүчеләрне Корбан итеннән пешерелгән ризык белән сыйладылар
- Авыл барлыкка килгәннән бирле чүпләнеп килгән Ия елгасын чистартып,матурлап, яктыртылган җәяүле юллар салучы Арча "Эталон""һәм Балтач. " Мелиорация "" җәмгыяте эшчеләрен корбан ите белән сыйларга  уйладым

18.06.2024 “Ак барс“ агрокомплексы ширкәте терлекчеләре бәйрәм итте
15 июньдә “Ак барс“ агрокомплексы“ ширкәтендә бик матур бәйрәм булды. “Чәчүлекләрне кабул иткән көнне механизаторларны шулай зурлап хөрмәтләгән идек, бүген менә терлекчеләребезне кунак итәбез“, – диде хуҗалык җитәкчесе Ленар Абдуллин.

17.06.2024 Арчаның Өлкәннәр һәм инвалидлар йортына Корбан ите китерәләр
Районда игелек эшләүчеләр күп. Уеңда, теләгеңдә бар икән инде игелек эшлә! Район Өлкәннәр һәм инфалидлар йорты җитәкчесе Рәисә Рәкыйповна ярдәм итүчеләргә бик рәхмәтле. Исән-сау булсыннар, балаларының игелеген күреп яшәсеннәр, дип тели.

16.06.2024 Якташыбыз Марат Готыф улы Әхмәтовны юбилее белән котлыйбыз!
Бүген, 16 июнь көнне якташыбыз Әхмәтов Марат Готыф улының туган көне - 70 яшьлек юбилее! Арча якташлыгы Сезне ихлас күңелдән туган көнегез белән тәбрик итә. Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, якыннарыгызның күңел җылысын тоеп, игелекләрен күреп, бәхетле озын гомер кичерүегезне телибез. Туачак таңнар һәрвакыт нурлы, күк йөзе һәрвакыт аяз булсын. Сезгә алга таба да шатлыкта, куанычта, бәхеттә яшәргә, яңадан-яңа үрләр яуларга язсын!

15.06.2024 Арча педагогия көллиятен котлыйбыз!
10 июнь көнне Татарстан Республикасы спорт министрлыгында урта һөнәри уку йортлары арасындагы спартакиадага һәм лига ярышларына йомгак ясалды. 2023-2024 уку елында Арча педагогия көллияте барлык уку йортлары арасында ( барлыгы 102 уку йорты) I урынны алды.