События

Республика күләмендәге зур ярыш

Үткән якшәмбедә Арча стадионында чаңгычыларның республика күләмендәге шәхси беренчелеккә ярышы булды. Ярышта Казан, Арча, Чувашстан, Мари Иле, Киров өлкәсе, Кукмара, Саба, Балтач, Әтнә, Яшел Үзәннән барысы 118 спортчы катнашты. Спортчыларны район башкарма комитеты җитәкчесе урынбасары Рамил Гарифҗанов сәламләде һәм уңышлар теләде.

Баш хөкемдар Сарманнан килгән иде. Ул – Бөтенроссия категориядәге спорт хөкемдары Шамил Мөдәрисов. Спортчылар чаңгы—роллерларда 1 км 400 метрга ярыштылар. Иң көчлеләр бу араны бер генә тапкыр үтмәде. Үз яшьтәшләре арасында арчалылар Лилия Рәхмәтуллина икенче, Фәнүзә Сәлахова шулай ук икенче нәтиҗәне күрсәтте.

Кунаклар арчаны бик ошатып киттеләр.

"Арча хәбәрләре"