События

Арчада хоккей буенча район чемпионын ачыклыйлар

Алдан хәбәр иткәнебезчә, быел район башлыгы кубогы өчен 12 команда көрәшә. Алар 3 дивизионга бүленеп 2тур уйныйлар. 1 тур узган шимбәдә үткән иде. 27гыйнварда Югары Атыда Арчаның «Тайд-Фойл»,»Юлбарыслар», Субаш Аты һәм Югары Аты командалары; Яңа Кырлайда Иске Ашыт, Яңа Иябаш, Яңа Кырлай, Яңа Кенәр командалары; Шушмабашта Апаз, Пөшәңгәр, Хәсәншәех, Шушмабаш командалары очрашкан иде. Бүген исә шул ук командалар Арча, ЯңаКенәр һәм Апазда кабат очраша. Шушы уеннар нәтиҗәсендә дивизионнарда иң күп очко җыйган 2шәр команда «Арча» боз сараенда финалда уйный. Бүген Арчаның 5гимназиясе боз мәйданчыгындагы уеннар бик кискен барды. Бигрәк тә «Тайд-Фойл» белән Югары Аты  командалары уенын күзәтү кызык булды. Аз гына өстенлек белән ( 5:4 ) арчалар өстен чыкты. Нәкъ менә шушы ике команда бу дивизионнан финалга узды да инде. Башка уен нәтиҗәләре:

«Юлбарыслар» —  Субаш Аты  0 : 2

«Тайд-Фойл» —    Субаш Аты  0 : 2

Югары Аты     —  «Юлбарыслар»  6 : 1

«Юлбарыслар»   — «Тайд-Фойл»   0 : 6

Субаш Аты       —     Югары Аты   1 : 7

Калган дивизионнардан Яңа Кенәр һәм Яңа Кырлай,Шушмабаш һәм Хәсәншәех командалары финалга чыкты. Финал кайсы көнне үтәчәген өстәмә хәбәр итәрбез. Сайтыбызны күзәтеп барыгыз.

http://arskmedia.ru/2018/02/03/archada-hokkey-buencha-rayon-chempionyin-achyiklyiylar/