События

Авылның футбол командасы

Арчада үткән мөселманнарның футбол ярышында күпләр Саба районы авылының футбол командасы уенына сокланып карады. Шунда җанатарлар арасында берәү: «Безнең Арча районында авылларда футбол командасы бармы соң ул?» — дип сорап куйды. Аңа җавап бирүче булмады. Узган ел ярышка Сабаның үзеннән һәм Саба районының Явлаштау авылы командалары катнашты. Район үзәгеннән килгәне җиңелеп кайтып китте. Ә явлаштаулылар икенче урынны алды. Менә сиңа авыл командасы! Быелгы ярышка Сабаның үз командасы нишләптер килмәде. Ә явлаштаулылыр килде. Быел килгәч: «Былтыргы уңышларыбыз өчен безгә спорт мәйданчыгы ясадылар»» — диделәр. Быел алар өченче урынны алды! Афәрин, егетләр! Авыл футболы яшәсен!