События

Кушлавычта Әниләр көнен матур итеп бәйрәм иттеләр

Әниләр бәйрәме уңаеннан Кушлавыч авыл клубы, Кушлавыч төп гомуми белем мәктәбе, Тукаевларның Кушлавычтагы музей-йорты, Кушлавыч "Карлыгач" балалар бакчасы коллективлары берләшеп бик матур әдәби музыкаль кичә оештырды.

Бәйрәм чарасы балалар бакчасында нәниләрненң бәйрәм бүләге кичәсе белән башланып китте, мәктәп ашханәсендә чәй өстәле артында дәвам итте... Аннары эстафета клуб бинасындагы әдәби-музыкаль кичәгә тапшырылды. Бәйрәм чарасында клуб үзешчәннәре, укучыларыбыз ихлас чыгышларын бүләк иттеләр...

Күңелле фольклор күренеш, дәртле җыр-биюләр, йөрәк түрләреннән ургылып чыккан шигъри сүзләр белән үрелеп барган әлеге кичә бер генә тамашачыны да битараф калдырмады.

Чыганак: http://qushlawich.ru/node/622