События

Ураза гаете мөбарәк булсын!

Бүген районыбызның барлык мәчетләрендә Ураза гаете намазлары укылды.

Авыл мәчетләрендә ул кояш чыгып ярты сәгать үткәч, ягъни иртәнге бишенче яртыда ук , шәһәрдә бераз соңрак - җиденче яртыды укылды. Арчаның үзәк мәчетендә бәйрәм намазын район мөхтәсибе Әмир хәзрәт Миңнемуллин үткәрде. Башта ул изге Коръән аятьләре укып дога кылды , аннары Уразаның әһәмияте турында вәгазь сөйләде.  Гает намазыннан соң  хөтбә укылды,тәкъбир әйтелде. Мөселманнар ил-көнебезгә иминлек,бәрәкәт теләп дога кылдылар. Район башлыгы Илшат Нуриев та гает намазын биредә укыды.

Үзәк мәчеткә килүчеләр быел аеруча күп иде , хәтта мәчеткә сыймыйча аның янкормасында укучылар да булды. 

Барыгызны да олуг бәйрәм - Ураза гаете белән тәбрик итәбез ! Аллаһы Тәгалә тоткан уразаларыбызны кабул кылып әҗер - савапларын насыйп итсен! Амин.

Тулырак: http://arskmedia.ru/news/rayon-yaalyklary/uraza-gaete-mbark-bulsyn