События

19.12.2023

Иске Чүриледә узган көрәш нәтиҗәсе

Иске Чүриле мәктәбе спорт залында “Яңарыш” агрофирмасы җитәкчесе Садыйков Илгизәр Минневалиевич призына көрәш ярышлары үткәрелде.
Ярышта районыбыз мәктәпләреннән 112 яшь көрәшче катнашты.

Ярышның ачылу тантанасында Татарстан Республикасының Көрәш федерациясе башкарма директоры Таһиров Марсель Шәрифҗан улы да катнашты һәм ул ярышның иганәчесе Садыйков Илгизәр Минневалиевичка көрәш федерациясенең Рәхмәт хаты белән кул сәгате тапшырды.
Иске Чүриле мәктәбе көрәшчеләре: Татарстан республикасы призеры Хәсәнов Марат, район ярышларының һәм районара турнирларның күп тапкырлар җиңүчеләре Адель Галиев, Радил һәм Алан Зыятдиновлар, Кәрим Акуловның әти-әниләренә “Арча” спорт мәктәбенең рәхмәт хаты тапшырылды.
Көрәшләр 2 җиңелүгә кадәр барды. Җиңүчеләргә медаль, грамота һәм иганәче тарафыннан әзерләнгән акчалата бүләкләр тапшырылды. Мәктәпләр арасында 1 урынны Иске Чүриле мәктәбе командасы алды. 2 урында Лесхоз мәктәбе, 3 урында Наласа мәктәбе, 4 урында Курса-Почмак мәктәбе командалары. Котлыйбыз!

Тулырак: https://arskmedia.ru/news/rayon-yaalyklary/iske-curileda-korastelar