События

Арча укучылар сараенда өч яшькә кадәрге балалар ярышты

Гаилә елы узса да, гаилә белән төрле ярышлар уздыру традициясе дәвам итә.

6 гыйнвар көнне Арча укучылар сараенда «Гаилә белән яңа ел ярышлары һәм сабыйлар йөгерүе» дип аталган матур чара узды. Бу чараның үзенчәлеге – өч яшькә кадәрге балалы гаиләләр катнашу.

«Мондый ярышларны уздыру күптәнге хыялыбыз иде. Менә ул быел беренче тапкыр уздырыла», – диде Укучылар сарае директоры Руслан Гыйниятуллин.

Бер, ике һәм өч яшьлек балалары булган районыбызның 10 гаиләсе күңелле ярышларда катнашты. Әти-әниләр өчен дә, балалар өчен дә ярыш-уеннар әзерләнгән иде. Бигрәк тә әти-әниләрнең кечкенә сабыйлары белән чыршы бизәүләре иң күңелле ярышларның берсе булды.

Уеннарның нәтиҗәләре буенча, җиңүчеләр өч төркемдә билгеләнде.

1 яшькә кадәрге балалы гаиләләр арасында 1 урын – Хәбриевлар, 2урын - Сафиннар, 3 урын – Усмановлар һәм Хәсәновларга бирелде. 

2 яшьлек балалы гаиләләр арасында 1 урын – Дәүләтшиннар, 2 урын - Шалагиннар, 3 урын – Һидиатовларга бирелде.

3 яшьлек балалы гаиләләр арасында 1 урын - Шагидовлар, 2 урын – Исмагиловларга бирелде.

Җиңүчеләргә дипломнар һәм Арчаның эшмәкәрләре тарафыннан сертификатлар тапшырылды.

Барлык фотолар сылтама буенча: https://vk.com/album-185727872_305604015

Гөлнур Миннебаева

Тулырак: https://arskmedia.ru/news/rayon-yaalyklary/arca-ukucylar-saraenda-oc-iaska-kadarge-balalar-iarysty