События

Мәскәүдә беренче татар фильмы төшерелгән 06.02.2016

Мәскәүдә беренче татар фильмы төшерелгән

Атаклы татар язучысы Әмирхан Еники: “Мәхәббәт – ул йөрәк эше” дигән. Татар классигының әлеге сүзләре Мәскәүдә яшәүче татар егетләрен кинокартина төшерергә рухландырган да инде.

5 март көнне Казанның “Мир” кинотеатрында Гаяр Нуримановның “Мәхәббәт – йөрәк эше” дигән тәүге фильмы тәкъдим ителәчәк. Гаяр – Татарстан тамашачысы өчен яңа исем. Ул Түбән Новгород өлкәсе Сафаҗәй авылы егете. Хәзерге көндә Мәскәү каласында гомер итә.

Бу егеткә чын мәгънәсендә “кино җене кагылган” дисәк тә, арттыру булмас. Ул педагог дипломына ия, гарәп теле белгече. Ә инде кино сәнгате белән якыннанрак танышу өчен Мәскәүнең ГИТИСында режиссер бүлеге курсларында белемен чарлый. Ике елдан укуымны төгәллим, ди.

– 2012 елны үз командамны туплап кино төшерә башладык, – ди Гаяр әфәнде. – Өч ел дәвамында “Мәхәббәт – йөрәк эше”дигән фильмны төшереп тәмамладык. Мәскәүдә премьера – 24 февральдә, Казанда – 5 мартта, Уфада – 12 мартта, Самарада 19 мартта тәкъдим итәргә ниятләп торабыз. Мәскәүдә тулы метражлы итеп эшләнгән беренче татар киносы булды бу. Фильм рус телендә, кайбер урыннарда актерлар татар телендә дә сөйләшә. Әсәрнең сюжеты гаилә кыйммәтләренә багышлана һәм андагы кискен мәсьәләләрне колачлый. 

Чыганак: http://www.almet-rt.ru/tt/


Возврат к списку


Текст сообщения*
Защита от автоматических сообщений
Загрузить изображение