События

Муниципаль район башлыгы Кубогына алкалы хоккей буенча район беренчелеге була ( АХЛ финалы)

7 мартта Боз сараенда Г.Тукайның тууына 130 елга багышлап муниципаль район башлыгы Кубогына алкалы хоккей буенча район беренчелеге була.

Кыш буе барган Арча хоккей лигасы (АХЛ) уеннары нәтиҗәләре буенча плей-оффка Арча ветераннары, Тайд-фойл, Югары Аты, Утар Аты, Хәсәншәех, Апаз, Яңа Кенәр, Яңа Кырлай командалары узды.

Ярышлар сәгать 8дә башлана. Узган елгы финал бик мавыктыргыч булган иде. Хәтерләсәгез, анда аз гына өстенлек белән буллитлар буенча Арча командасы Хәсәншәех командасын откан иде. Быел Хәсәншәех егетләре ел буе бик тырышып шөгыльләнде, АХЛ турнирыннан тыш та башка районнарда үткәннәрендә дә катнашып килде. Башкаларның да әзерлеге яхшы. Кем җиңәр, район чемпионы исеменә кайсы команда лаек булыр? Яраткан командагызга көч бирергә 7 мартта Боз сараена рәхим итегез.

Чыганак: http://arskmedia.ru/