Регистрация   ?
 
 

События

Арчалар уңыш яулый 30.06.2023 Арчалар уңыш яулый
Ит терлекләре буенча "Пионер" хуҗалыгы зоотехнигы-селкционеры Стройнова Светлана Юрьевна республикада 2нче урында. Котлыйбыз! 
 В Республиканском конкурсе среди зоотехников-селекционеров мясного скотоводства специалист ООО "ПХ Пионер" Стройнова Светлана Юрьевна показала второй результат. Поздравляем!

Арчалар теплоходта сәяхәткә чыгып киттеләр 29.06.2023 Арчалар теплоходта сәяхәткә чыгып киттеләр
Район мәгариф хезмәткәрләре профсоюз оешмасы әгьзалары - укытучылар, тәрбиячеләр, техник хезмәткәрләр өч көнлек сәяхәткә чыгып киттеләр. Безнең районнан барысы 19 кеше. Бүген юлга кузгалдылар. 30 июнь көнне Түбән Новгород шәһәренә килеп җитәселәр. Теплоходта күңелле. Программа эчтәлекле төзелгән. Концертлар, караоке, кино, мастер-класслар... Новгордта тагын сәяхәтләр оештырылачак. Күңелле яллар телибез!

Татарстан прокуроры Арчаның элекке прокуроры Мөбәрәк Әшрәповны 95 яшьлек юбилее белән котлады 28.06.2023 Татарстан прокуроры Арчаның элекке прокуроры Мөбәрәк Әшрәповны 95 яшьлек юбилее белән котлады

Арчага Татарстан прокуроры Илдус Нәфыйков килде. Ул прокуратура органнары ветераны Мөбәрәк Әшрәповны 95 яшьлек юбилее белән котлады, аңа  «Татарстан Республикасы алдындагы казанышлары өчен» ордены медален тапшырды. Юбилярны бүләкләү турындагы Указны 2023 елның 26 июнендә Татарстан Республикасы Рәисе Рөстәм Миңнеханов имзалады.

Дус яшик, тату яшик, матур яшик 27.06.2023 Дус яшик, тату яшик, матур яшик

Кыз озатасы өйнең капкасы төбенә кадәр ачык. Аны озатырга күршеләр, туганнар җыелган, урам буйлап җырлап “Яшь йөрәкләр” килә

Урам буйлап килгән кияү машиналарын бөтен тирә-як каршы алды.
Ничек “Яшь йөрәкләр” вокаль ансамбле анда килеп чыккан? Бу хакта без җитәкчесе Нәсимә Гарифуллина белән сөйләштек.

Район күген балкытучы йолдызларыбыз бүләкләнде 26.06.2023 Район күген балкытучы йолдызларыбыз бүләкләнде

Район Мәдәният йортында “Сәләтле балачак – 2023” дигән исем астында халыкара, бөтенроссия, республика олимпиадаларында җиңү яулаган һәм призлы урыннар алган укучыларны бүләкләү тантанасы узды.

2022-2023 уку елында районыбыз мәктәпләрендә укучылар төрле дәрәҗәдәге фән олимпиадаларында барысы 136 призлы урын алган, шуларның 12се – җиңүче, 124е – призер. Әлеге укучылар район Мәдәният йорты сәхнәсен балкытты. 

Бүген якташыбыз  Гыймаев Илшат Сәхап  улының туган көне - 60 яшьлек юбилее! 25.06.2023 Бүген якташыбыз Гыймаев Илшат Сәхап улының туган көне - 60 яшьлек юбилее!

Бүген, 25 нче июнь көнне, Татарстан Республикасы төзелеш, архитектура һәм торак-коммуналь хуҗалык министры урынбасары Гыймаев Илшат Сәхап улының туган көне - 60 яшьлек юбилее!

Илшат Сәхап улы Гыймаев 1963 елның  25 нче июньдә ТАССРның Арча районы Иске Муй авылында туа.

Авыз тутырып “әти“ дип әйтә алсаң иде... 25.06.2023 Авыз тутырып “әти“ дип әйтә алсаң иде...

22 июньдә илебез Хәтер һәм кайгы көнен билгеләп үтте

82 ел элек немец фашистлары СССР чикләрен үтеп кереп, тыныч йоклап яткан кешеләр өстенә бомбалар яудыра башлыйлар, халкыбыз өчен Бөек Ватан сугышы башлана.

Арчаларга бу коточкыч хәбәрне радио җиткерә. Сугышның беренче көнендә үк 1905-1918 елларда туган хәрби бурычлыларны мобилизацияләү турында Указ игълан ителә. Фронтка озатулар башлана. Китүчеләр үзләрен аямыйча Ватанны сакларга ант итәләр. 1941 елда хәрәкәттәге армиягә авыл хуҗалыгында, оешма, предприятиеләрдә эшләүче ир-егетләрнең яртысыннан артыгы алына.

Арчалар Казан Сабантуенда 24.06.2023 Арчалар Казан Сабантуенда
Бүген Арча район Мәдәният йорты хезмәткәрләре, районыбызның сәнгать осталары Казан шәһәрендә узучы Сабантуй бәйрәмендә чыгыш ясады. Кунакларга "Никах" йоласын күрсәттеләр. 

Кечкенә авыл халкының бердәмлеген күрсәткән зур чара узды 23.06.2023 Кечкенә авыл халкының бердәмлеген күрсәткән зур чара узды

Узган якшәбедә 56 хуҗалыгы булган район чигендә үк урнашкан Югары Оры авылында әнә шундый чара булып узды. 

Кечкенә авыл халкының бердәмлеген күрсәткән зур чара ул. Беренче тапкыр гына түгел, ел да үткәрелеп килә. Һәм моны оештыруда төп рольне 28 ел Югары Оры клубы мөдире булып эшләгән Мөнирә Вәлиева башкара. Кызы Лилия һәм ире Назыйм булышлыгы белән. 

Мәчетләрдә рухи-сәламәтләндерү курслары 23.06.2023 Мәчетләрдә рухи-сәламәтләндерү курслары

Аллаһы Тәгаләнең рәхмәте белән Арча районы территориясендәге (шәһәрдә, авылларда)күп кенә мәчетләрдә Ислам динен өйрәнү буенча рухи-сәламәтләндерү курслары уза.

Малайлар һәм кызлар берничә көн дәвамында дин нигезләрен, тәһәрат алырга һәм намаз укырга өйрәнәләр, ата-аналарга һәм өлкәннәргә карата булган игелекләр турында беләләр. Шулай ук, саф һавада актив уеннар уздырыла. Бу балаларга сәламәт яшәү рәвешенә мәхәббәт тәрбияләү өчен уңай мөмкинлек.

Җиңү паркында хәтер көне үткәрелде 22.06.2023 Җиңү паркында хәтер көне үткәрелде
Сугыш башланганга 82 ел. 22 июнь таңы кешелк җәмгыятен тетрәткән көн. Кичен шәмнәр белән Җиңү паркына җыелдылар. Мәгариф, мәдәният хезмәткәрләре, Форпост, яшьләр бүлеге, район ветераннар советы - бар да паркта иде. Сугышта әрәм булган солдатларны, сугыш ветераннарын тскә алдылар. Алар рухына дога укыдылар. Сугыш чоры балалары Илдус абый Сәгьдиев, Рая апа Фәтхуллина да килгән иде. Алар сугыш афәте турында сөйләделәр, ил-көннәребез тыныч булсын дип теләделәр. 

Арчада сәләтле укучыларны котладылар 21.06.2023 Арчада сәләтле укучыларны котладылар
Район Мәдәният йортында районыбызның иң сәләтле, иң тырыш укучылары җыелды. Биредә “Сәләтле балачак – 2023” дигән исем астында халыкара, бөтенроссия, республика олимпиадаларында җиңү яулаган һәм призлы урыннар алган укучыларны бүләклү тантанасы узды.

Арча Укучылар сараеның яшь туристлары 10 чакрымнан артык юлларны җәяү үтә 20.06.2023 Арча Укучылар сараеның яшь туристлары 10 чакрымнан артык юлларны җәяү үтә

Яшь туристлар уку елын тәмамлап, җәйге походка чыктылар

13 июньдә тренерлар Ленар Сафин һәм Л.Камалетдинова җитәкчелегендә балалар Арчадан  Чокырча авылына кадәр араны җәяү үттеләр.

Юлда педагоглар урамнар, биналар тарихы турында сөйләделәр. Балалар таныш урыннар турында яңалыклар белделәр. Поход кысаларында мәктәпнең туган якны өйрәнү музеенда булдылар.

Бу – киләчәктә эшкә урнашу мөмкинлеге дә 19.06.2023 Бу – киләчәктә эшкә урнашу мөмкинлеге дә

“Өмет чаткысы” балаларны тернәкләндерү үзәгендә тәрбияләнүчеләр быел да призлы урыннарны яулады.

Алар “Абилимпикс” инвалидлар өчен һөнәри осталык чемпионатында катнашты һәм уңышлы чыгыш ясады.
Үзәктә сәламәтлекләре буенча мөмкинлекләре чикле балалар белән эшләүгә зур игътибар бирелә. Белгечләр бик көчле. Һәрберсе үз вазыйфасына намус белән, күңел биреп карый. Әмма балалар, өстәвенә, сәламәтлекләре буенча мөмкинлекләре чикле булганнар белән эшләүгә ул гына җитми. Монда һәрберсенә шәхси якын килергә, аларның укытучысы, тәрбиячесе генә булып калмыйча, киңәшчесе, хәтта сердәшчесенә әверелергә, кызыксындыра белергә кирәк. 

Югары Пошалымда авылым кичләре 19.06.2023 Югары Пошалымда авылым кичләре

Югары Пошалымнан Гөлгенә Гыйниятова сөенеп хәбәр итә.

- Авылдашларны, дусларны, сыйныфташларны очраштыра торган кич, - ди Гөлгенә. - Илдус һәм Гөлсинә Саттаровалар оештырды. Казаннан артистлар да кайтты. Авылыбызның иганәчеләре ярдәм итте. Бик күңелле булды.

30 ел элек... 18.06.2023 30 ел элек...
30 ел элек Арчада тарихи вакыйга була. Бу турыда мәчеттә укытучы Зәбидә Гаяз кызы Шакированың истәлек язмасын тәкьдим итәбез.

Бүген Сикертәндә шаулап-гөрләп сабантуе үтте 17.06.2023 Бүген Сикертәндә шаулап-гөрләп сабантуе үтте
Казаннан "Ак Барс" Холдинг компаниясе" акционерлык җәмгыяте генераль директоры Егоров Иван Михайлович урынбасары белән кайтты. Арчадан район авыл хуҗалыгы һәм азык-төлек идарәсе җитәкчесе Ленар Абдуллин катнашты. "Ак Барс" агрокомплексы җитәкчесе Шәйдулла Сәләхов ачып җибәрде. Сабантуйны Казан артистлары алып барды. Ат чабышы, төрле уеннар, җыр-биюләр белән бик күңелле үтте милли бәйрәм.

Якташыбыз Марат Готыф улы Әхмәтовны туган көне белән котлыйбыз! 16.06.2023 Якташыбыз Марат Готыф улы Әхмәтовны туган көне белән котлыйбыз!
Бүген, 16 июнь көнне якташыбыз Әхмәтов Марат Готыф улының туган көне! Арча якташлыгы Сезне ихлас күңелдән туган көнегез белән тәбрик итә. Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, якыннарыгызның күңел җылысын тоеп, игелекләрен күреп, бәхетле озын гомер кичерүегезне телибез. Туачак таңнар һәрвакыт нурлы, күк йөзе һәрвакыт аяз булсын. Сезгә алга таба да шатлыкта, куанычта, бәхеттә яшәргә, яңадан-яңа үрләр яуларга язсын!

Дилбәр кабат беренче урынны алды 15.06.2023 Дилбәр кабат беренче урынны алды
Шашка буенча куп тапкырлар район чемпионы, шашка буенча Ашытбашта уткэрелгэн "Төньяк балкышы" зона республика ярышлары жинучесе, Арчанын 1 нче мэктэбенен 5 нче сыйныфын тэмамлаган Дилбэр Ризванова Шэмэрдэн сабантуенда шашка буенча кабат беренче урынны алып кайтты. Котлыйбыз!

Район медицина хезмәткәрләре һөнәри бәйрәмнәрен билгеләп үттеләр 14.06.2023 Район медицина хезмәткәрләре һөнәри бәйрәмнәрен билгеләп үттеләр
Һөнәри бәйрәмне район мәдәният йортында билгеләп үттеләр." Районда 600 медицина хезмәткәре эшли", - дип сөйләде район үзәк хастаханәсе баш табибы Рифат Идрисов. Медицина хезмәткәрләрен район башкарма комитеты җитәкчесе урынбасары Илшат Әхәтович котлады. Бәйрәм хезмәт алдынгыларын котлаулар, концерт номерлары белән бик матур барды. 

45 елдан соң очрашу 13.06.2023 45 елдан соң очрашу
"45 елга бер очрашу, - диде ул. - Мзктәбебезгә, укытучыларга баш иеп рәхмәт әйтергә килдек". Очрашу күңелле һәм бик дулкынландыргыч була. Кочаклашып күрешәләр, күзләргә яшь бөртекләре бәреп чыга...Кыр казлары кебек кайтты минем сабакташларым, ди Фаил Заһидуллин. Зәйнәп апа яныннан китәсе дә килми. Аның янында рәхәт. Әни кочагындагы кебек хис итәсең үзеңне, диләр сыйныфташлар. Зәйнәп апа Гатауллина рус теленнән укыткан. Математика укытучысы Сания Зиннәтова белән. Укытучы янында шундый рәхәт... Бу бит балачак белән күрешү! 

Альберт Ситдыйков икенче ел рәттән Сабантуйның абсолют батыры булып калды 12.06.2023 Альберт Ситдыйков икенче ел рәттән Сабантуйның абсолют батыры булып калды
Быелгы район Сабантуйның баш батыры булып яңадан Яңа Кишет пәһлеваны Айрат Ситдыйков калды.

Ул финалда 95 кг кадәрле үлчәүдә батыр булган Илшат Идиатовны җиңде.

Халык уеннары, спорт ярышлары, җыр-моң: Арчада Сабантуй гөрли 11.06.2023 Халык уеннары, спорт ярышлары, җыр-моң: Арчада Сабантуй гөрли

Берәүләр Сабантуйга көрәш, ат чабышы карарга дип килсә, икенчеләр, бигрәк тә балалар, күңел ачу ягын карый.

Арча стадионында күңелле уеннар, япорт ярышлары белән үзешчән артистларның җыр-моңнары астында Сабантуй гөрли. Берәүләр Сабантуйга махсус көрәш карарга дип килсә, икенчеләргә халык уеннары, спортчыларга – спорт ярышлары, ә сәнгать сөючеләргә – җыр-бию кызык. Сабантуй мәданында һәркем күңеленә хуш килгәнен таба ала.

Арча район Мәдәният йортында «Мөнәҗәтләр — рухи мирасыбыз» бәйгесенең йомгаклау этабы узды 10.06.2023 Арча район Мәдәният йортында «Мөнәҗәтләр — рухи мирасыбыз» бәйгесенең йомгаклау этабы узды

Район Мәдәният йорты Наласа авылы мәчете белән берлектә «Мөнәҗәтләр — рухи мирасыбыз» проекты белән ТРның гражданлык җәмгыятен үстерүгә грантлар бирү бәйгесендә җиңү яулады

Бәйге мәдәният идарәсе муниципаль учреждениесе, район Мәдәният йорты, Наласа авылы мәчете һәм Арча мөхтәсибәте белән берлектә оештырылды. Бу юнәлештәге узган елдан башланып киткән зур хезмәт район өчен горурланырлык нәтиҗәсен күрсәтте. 

Терлекчелектә эшләүчеләргә бүләкләр 09.06.2023 Терлекчелектә эшләүчеләргә бүләкләр
Арча район авыл хуҗалыгы һәм азык-төлек идарәсе җитәкчесе Ленар Абдуллин 8 июньдә “Тукай“, “Кишет“ ширкәтләренең терлекчелектә эшләүче хезмәт алдынгылары Флера Вәлиевага, Гөлүсә Шерматовага, Айсылу Исмәгыйлевага, Венера Сафиуллинага, Әлфия  Галәветдиновага, Зөлфирә Әхмәтшинага вымпеллар, акчалата бүләкләр тапшырды.

“Ак чәчәкләр” волонтерлар оешмасының беренче хезмәте уңышлы булды 08.06.2023 “Ак чәчәкләр” волонтерлар оешмасының беренче хезмәте уңышлы булды
Балаларны яклау көнендә Арчада узган Хәйрия чарасыннан җыелган акчалар “Өмет чаткысы” тернәкләндерү үзәгенә бирелде. “Ак чәчәкләр” волонтерлар оешмасы вәкилләре әйтүенчә, чаралардан җыелган акча 121 мең 431 сумны тәшкил итә.

Арча муниципаль районы Сабан туе программасы 07.06.2023 Арча муниципаль районы Сабан туе программасы

Арча шәһәре, үзәк стадион

Кунакларны каршы алу
Милли йортларда фольклор күренешләр 
Пролог «Милләтебез күрке - Сабантуй»

Атлас Солтанов: «Эшләмим икән – яшәмим» 06.06.2023 Атлас Солтанов: «Эшләмим икән – яшәмим»

“Әти-әни эшкә өйрәтте һәм гомер-гомергә хезмәт юлыннан атлыйм, чөнки эшсез торырга яратмыйм”, – ди ул.
Аның белән без Арчаның Ямашев урамындагы остаханәсендә очраштык. Үзенең фатиры бар. Әмма остаханә ясауны күздә тотып, әлеге иске генә йортны сатып алган.

Берничә ел хуҗасыз торган йорт хезмәт күп сорый. Ничә ел эшкәртелмәгән бакча бик күп вакытын алган. Йорт эчендә, ишегалдында да башкарасы эшнең чиге юк. Шуңа карамастан, Атлас Солтанов монда үзен патшалыгында итеп тоя. Күп хезмәт куясы барлыгы аны бөтенләй дә куркытмый.

Арча Укучылар сараенда узган тантанада яшь иҗатчылар белән беренче утырыш булды 05.06.2023 Арча Укучылар сараенда узган тантанада яшь иҗатчылар белән беренче утырыш булды
24 майда Арча Укучылар сараенда “Алтын каләм” республика балалар, яшүсмерләр һәм яшьләр матбугаты фестиваленең район этабын йомгаклау тантанасы узды.

28 ел дәвамында әлеге фестиваль республикабызның иң талантлы, оста һәм максатчан яшь журналистларын бергә туплый. “Алтын каләм”гә эләгү өчен әлеге өлкәнең һәр тармагын энәсеннән-җебенә кадәр белергә кирәк. Бары зур хезмәт һәм тырышлык аша гына фестивальдә җиңү яуларга була.

Ямьле май аенда Равиловлар алтын туйларын билгеләп үтте 04.06.2023 Ямьле май аенда Равиловлар алтын туйларын билгеләп үтте
Бу көнне аларга кунакка якын туганнары, дуслары, күршеләре килгән иде. Район хатын-кызлар советы җитәкчесе Альмира Гатауллина, ветераннар советы җитәкчесе Рәмзия Хәмидуллина Мөршидә ханым белән Хәйдәр әфәндене гомер бәйрәмнәре белән котладылар, район башлыгы Илшат Нуриевның Рәхмәт хатын, истәлек бүләге тапшырдылар. Ә без “алтын” пар белән үткәннәрне барладык.

Сөрде авылында беренче тапкыр дини сабантуй узды 03.06.2023 Сөрде авылында беренче тапкыр дини сабантуй узды
1 июнь Балаларны яклау көне уңаеннан, "балаларга бер көнлек лагерь үткәрәсем килә иде әле " дип мөрәҗәгать итте Суфия ханым Сабирова. Уйламаганда авыл өчен дә, кайткан кунаклар, балалар өчендә зур бәйрәм булды ул көн. 
Бәйрәм балаларның беренче ял көннәре, җәйнең беренче көне белән котлау белән башланып китте. Аннан без мәдәният хезмәткәрләре балаларга яңа торле кызыклы уеннар уйнаттык. Сабантуй рухы булсын дип элекеге бабаларыбыздан килгән уеннарныда онытмадык: чүлмәк вату, капчыкта сикерү, кашык бн су ташу... 

Сугыш ветеранына күрсәткән кадер-хөрмәт 02.06.2023 Сугыш ветеранына күрсәткән кадер-хөрмәт
Иске Йорт авылында яшәүче кадерле әтиебез Равил Шәяхмәт улы Фазлыев Җиңү бәйрәменнән соң авырып китте. Әти безнең сугыш ветераны. Төнлә ашыгыч ярдәм бригадасы чакырттык. Рәхмәт төшкерләре, бик тиз килеп җиттеләр. Беренче ярдәмне күрсәттеләр һәм район хастаханәсенә алып китәргә тәкъдим иттеләр. Әмма әтиебез риза булмады. Икенче көнне табиб Ринат Хәстиев белән сөйләштек. Ул, шул ук көнне килеп, әтине карады. Һәм район хастаханәсенә дәваланырга барырга кирәклеген әйтте. Ринат Мирбатович баш табибның поликлиника буенча урынбасары Азат Вафин белән сөйләшеп, әтине район хастаханәсенә салырга булдылар. Әтине хастаханәдә сугыш ветераннары бүлмәсенә урнаштырдылар, дәвалаучы табибы - Ринат Мирбатович булды. Без медицина хезмәткәрләре эшеннән бик канәгать калдык.

Районыбызның яшь хәбәрчеләре Сабадан җиңү яулап кайтты 01.06.2023 Районыбызның яшь хәбәрчеләре Сабадан җиңү яулап кайтты
29 май көнне Саба яшьләр үзәгендә 15нче тапкыр уздырыла торган Казан федераль университетының милли һәм глобаль медиа чаралары кафедрасы мөдире, филология фәннәре докторы, профессор, Татарстанның атказанган фән эшлеклесе Васил Заһит улы Гарифуллин исемендәге «Серле каләм» иҗат бәйгесенең йомгаклау тантанасы гөрләде.

Алар китап та укый, музейларга да йөри 31.05.2023 Алар китап та укый, музейларга да йөри
Арча үзәк китапханәсенең балалар бүлегендә матур чара булды. "Мәдәни көндәлек" проекты җиүчеләрен һәм китап күп укучыларны хөрмәтләп үттеләр. Чарада район мәдәният бүлеге җитәкчесе Илфар Әюпов катнашты.

Арчалар Актаныш районына «Сенаж көне»нә бардылар 30.05.2023 Арчалар Актаныш районына «Сенаж көне»нә бардылар
Арча районыннан район авыл хуҗалыгы һәм азык-төлек идарәсе җитәкчесе Ленар Абдуллин җитәкчелегендә бер төркем семинарга барды. Алдынгы хуҗалык җитәкчеләре дә барды. Әлеге семинарда нигездә сыйфатлы һәм җитәрлек күләмдә сенаж әзерләү турында сүз барды. Семинарда Татарстан Республикасының авыл хуҗалыгы һәм азык-төлек министры Марат Җаббаров катнашты.

В Татарстане проходят съёмки татарского фильма «В мае сорок четвёртого» 30.05.2023 В Татарстане проходят съёмки татарского фильма «В мае сорок четвёртого»
В Атнинском и Арском районах Татарстана проходят съёмки полнометражного фильма по одноименной повести народного писателя Татарстана Нурихана Фаттаха «Кырык дүртнең май аенда» («В мае сорок четвертого»). Администрации Атнинского и Арских районов оказывают большую поддержку съёмочному процессу. Премьера фильма состоится в марте 2024 года.

Арчада сабанчылар ярышты 29.05.2023 Арчада сабанчылар ярышты
Арча районы Гарипов Хәлим фермер хуҗалыгы базасында сабанчылар арасында район күләмендәге ярышлар узды. Анда төрле хуҗалыклардан 17 механизатор һөнәри осталыкта көч сынашты. Ярыш нәтиҗәләре буенча беренче урыннны "Казанка" агрофирмасыннан Ингел Шәрипов яулады. Икенче һәм өченче урыннарны "Кырлай" белән "Игенче" агрофирмалары механизаторлары бүлеште.

Якташыбыз Нурзадә Вәлиуллинаны туган көне белән котлыйбыз! 28.05.2023 Якташыбыз Нурзадә Вәлиуллинаны туган көне белән котлыйбыз!
Бүген, 28 май көнне, якташыбыз, Татарстан Республикасының атказанган артисты (2019), җырчы, автор-башкаручы, Нурзадә Фирдинант (Рәдиф) кызы Вәлиуллина туган көне! Арча якташлыгы Сезне чын күңелдән туган көнегез белән тәбрик итә!

Александр Далматов «Кырык дүртнең май аенда» фильмының кайбер серләрен ачты 26.05.2023 Александр Далматов «Кырык дүртнең май аенда» фильмының кайбер серләрен ачты

Татарстанның халык язучысы Нурихан Фәттахның «Кырык дүртнең май аенда» әсәре буенча нәфис фильмда төп рольләрнең берсен 9 айлык Хәсән Биктаһиров башкара.

«Безнең фильмда Хәсән героиняның улы Ирек ролен башкара. Ул Камал театры актрисасы Гөлчәчәк Гайфетдинованың улы. Гөлчәчәк үзе Кәшифә ролен башкара», - диде фильмның режиссеры Александр Далматов.

Фильмда катнашучы иң өлкән яшьтәге актер Равил Шәрәфиев. Ул Матнур бабай ролен башкара. Бүген актер Әтнәдә мәктәп балалары белән төшкән.

Казиле авылы тарихы 25.05.2023 Казиле авылы тарихы
Буген музей  хезмәткәрләре Казиле мәктәбендә "Казиле авылы тарихы" исемле китапны тәкъдим итү кичәсе , Казиле авылы тарихи урыннары буенча җәяүле сәяхәт оештырды. Очрашу кичәсе " Туган ягым- яшел бишек" исемле проект кысаларында уздырылды.

Татар телендә «Кырык дүртнең май аенда» фильмы төшерелә 24.05.2023 Татар телендә «Кырык дүртнең май аенда» фильмы төшерелә
Тинчурин театры актрисасы Резедә Сәләхова май аенда ук су коенган. Актрисага Татарстанның халык язучысы Нурихан Фәттахның «Кырык дүртнең май аенда» әсәре буенча төшерелгән нәфис фильмда бил тиңетен су аша чыгарга туры килгән. Фильм Әтнә, Арча районнарында төшерелә. Район хакимиятләре төшерү эшендә зур ярдәм күрсәтә. 

В Татарстане проходят съёмки татарского фильма «В мае сорок четвёртого» 23.05.2023 В Татарстане проходят съёмки татарского фильма «В мае сорок четвёртого»
В Атнинском и Арском районах Татарстана проходят съёмки полнометражного фильма по одноименной повести народного писателя Татарстана Нурихана Фаттаха «Кырык дүртнең май аенда» («В мае сорок четвертого»). Администрации Атнинского и Арских районов оказывают большую поддержку съёмочному процессу. Премьера фильма состоится в марте 2024 года.

Шундый матур парлар иде... 22.05.2023 Шундый матур парлар иде...

Әле кайчан гына мин алар белән бакчаларындагы күз явын алырлык искиткеч матур тюльпаннарга сокланып карап утырган идем. “Ел саен бер мең тюльпан үстерәбез, шуларны мәктәпләргә таратабыз“, - дигән иде. Рәиф абый.

Шактый гына сөйләшеп утырдык, узган гомер юлларын искә алдылар. Күбрәк Рәиф абый сөйли, Руза апа аны тулыландыра бара, онытылган вакыйгаларны, исемнәрне искә төшерә. Ике табигать баласы, белемнәре буенча агрономнар яшәгән йортның бакчасында ниләр генә юк!  

Ташкичүдә ни өчен көтү чыга алмый? 21.05.2023 Ташкичүдә ни өчен көтү чыга алмый?
Инвесторлык  хәрәкәте башлангач  бер хәлле генә якташыбыз үзенең туган авылы җирләрен алды. “Безнең бабайлар җиребезне немецларга да бирмәгән, ник без аны ниндидер килмешәкләргә бирергә тиеш?“ – диде ул авылдашлары алдында. Бу сүзләр минем күңелгә дә хуш килде, канатланып шул турыда язып та чыккан идем әле.
Тик бу комга сәнәк белән язылган сүзләр булып чыкты. Бу авыл кешеләре бер-бер артлы зарланышып редакциягә килә башладылар, күмәк хатлар яздылар. Теге инвестор  дигәнебез басуларны гына түгел, гасырлар буе көтүлек булып хезмәт иткән болыннарны, ермак, ерганакларны да үзенеке дип игълан иткән икән.

Печән өсте якынлаша 20.05.2023 Печән өсте якынлаша
Язгы кыр эшләре төгәлләнүгә терлек азыгы әзерләү мәсьәләсе көн тәртибенә килеп баса. Гадәттә печән чабуга беренчеләрдән булып курсалар керешә. Бу  Сабантуйлар көннәренә туры килә, бәйрәм үтә дә китә, ә азык көн дә кирәк. Шуңа күрә иң витаминлы, иң сыйфатлы печән курсаларда була. Аны саклый торган менә дигән складлары да бар.

Бүген Татарстан пионериясенә 100 ел! 19.05.2023 Бүген Татарстан пионериясенә 100 ел!
19 майда Татарстан пионериясенең бер гасырлык юбилее билгеләп үтелә. Бу көнне районыбызның өлкән яшьтәге кешеләре пионер яшьлекләрен искә төшерәләр. Ни генә дисәң дә, галстуклы еллар күңел түрләрендә үткәннәрнең якты хатирәсе булып саклана. Кызыл галстук, тантаналы ант, пионер җыеннары, походлар, дуслык учагы – пионер хәрәкәте ветераннары бүген боларның барысын да зур дулкынлану белән искә ала.

“Чулпан” лагеренда “Бәхет” дигән өр-яңа бер дөнья ачылсын! 19.05.2023 “Чулпан” лагеренда “Бәхет” дигән өр-яңа бер дөнья ачылсын!
Якындагы, күрше Әтнә районындагы “Чулпан” лагеры белән дә кызыксынучылар бар. Хөрмәтле ата-аналар, сезгә куанычлы хәбәр: “Чулпан” лагере быелгы җәйдә балаларны кабул итәчәк! Һәм тагын бер күңелле хәбәр: “Чулпан” лагерен “Арча МСО”сы оешмасы заманча итеп матурлап, ныклап төзекләндерә! Әти-әниләр бездән җавап көткәндә, Пионерия көне якынлашканда шундый кояшлы, матур көннәрдә “Чулпан” лагерена барып кайтмыйча ничек түзәсең! Ул бит әле безнеке дә, Әтнә Арча районына кергән чорда ачылган лагерь!

Казанбаш мәктәбенә Гариф Ахунов исеме бирелде 18.05.2023 Казанбаш мәктәбенә Гариф Ахунов исеме бирелде
18 майда Казанбаш мәктәбенә шушы мәктәптә укыган Татарстанның халык язучысы Гариф Ахунов исеме бирелүгә багышланган тантана булды. Анда район башкарма комитеты җитәкчесе урынбасары Инсаф Габделгазизов, мәдәният бүлеге җитәкчесе Илфар Әюпов, язучының кызы Наилә Ахунова, язучылар, шагыйрьләр катнашты. Башта мәктәпкә Гариф Ахунов исеме бирелүе турындагы истәлек тактасын ачтылар, аннан соң тантананың төп өлеше башланып китте.

Арча таэквондочылары бүләк алмый калмый 17.05.2023 Арча таэквондочылары бүләк алмый калмый
Балаларга спорт белән шөгыльләнү генә түгел, ярышларда катнашу да мөһим. Арчаларны республикада көндәшләре белеп тора. Әле менә яңа гына республика күләмендәге ярышлар Казанда ике көн барды. Беренче көнне арчалар команда белән чыгыш ясап, 2нче урынны алдылар. Икенче көнне дә уңышлары бар. 

Носы авылында яшәүче Нурисә һәм Сәлимҗан Габдрахмановлар алтын туйларын билгеләп үтте 16.05.2023 Носы авылында яшәүче Нурисә һәм Сәлимҗан Габдрахмановлар алтын туйларын билгеләп үтте

Россия чемпионатында Фаяз – өченче! 15.05.2023 Россия чемпионатында Фаяз – өченче!

Казанда татарча көрәш буенча Россия чемпионаты булды. Ярышта Россиянең 34 төбәгеннән 200ләп көрәшче катнашты.

Чемпионатның тантаналы өлешендә Россиянең көрәш федерациясе вице-президенты Равил Нагуманов, олимпия уеннарының бронза призчысы Марид Муталимов һәм башка дәрәҗәле кунаклар катнашты. Ярышларның финал өлешендә Ульяновск, Төмән, Чиләбе, Ярославль, Самара, Пенза, Свердловск, Оренбург, Татарстан, Башкортстан, Мари Иле, Удмуртия, Чувашстан, Пермь, Камчатка, Краснодар, Ханты-Мансийск, Санкт-Петербург һәм Мәскәү көрәшчеләре бил алышты.

Дусларыңа моңнар өләшеп яшәү матур 14.05.2023 Дусларыңа моңнар өләшеп яшәү матур

Арча үзәк китапханәсендә “Ачтым әле күңел ишекләрен” дигән Мөрәле авылында яшәүче Расип Нәбиуллинның “Яшәү яме” шигырьләр җыентыгын тәкъдир итү кичәсе булды.

Кичәгә гаиләсе –  илһам бирүче хатыны Фәнирә (ул аны яратып “әбием” дип йөртә), иҗат чишмәсен баетучы горурлыгы булган балалары, гомер буе туганнардай аралашып яшәгән күршеләре, якыннары килгән иде.

Якташлар очрашты 13.05.2023 Якташлар очрашты
5 майда Арча районы сәнгать осталары Казанда К.Тинчурин исемендәге Татар дәүләт драма һәм комедия театры бинасында зур концерт-тамаша белән чыгыш ясады. Осталыгыбызны казаннарга тагын бер кат исбатлап күрсәттек. Ярыштык. Җиңүгә өмет зур.

Арчада ат ярышы булды 12.05.2023 Арчада ат ярышы булды
Арчада 9 майда ат ярышлары булды. Көндезге сәгать 2дә башланып китте ул. Барысы ярышта Арча, Саба, Кукмара, Алексеевск районнарыннан 19 ат катнашты. Өч төркемгә бүленеп чаптылар. Башта 2 яшьлек атлар 1200 метрга чабышты, аннан стартка (1800 м) ярымчиста токымлылар басты. Ахырдан чиста токымлы атлар 1800 метр араны чабып үтте.

Печән базары яки... бии торган курчаклар 12.05.2023 Печән базары яки... бии торган курчаклар

5 майда Арча районы сәнгать осталары Казанда К.Тинчурин исемендәге Татар дәүләт драма һәм комедия театры бинасында зур концерт-тамаша белән чыгыш ясады.

Быел республика районнары “Татарстанның мәдәни башкаласы” исемен яулау өчен көрәшәчәк һәм анда һәр район үз тамашасын тәкъдим итәчәк.  “Арча ягы – туган төбәгебез, шул төбәкнең милли бизәге без” дип исемләнгән әлеге чара да фестиваль-бәйге кысаларында оештырылды. Якташлар очрашуының икенче, яңартылган варианты, дип кабул итәргә дә була. Чөнки ул очрашу да язын шушы тирәләрдә үтә иде.

Якташыбыз Рөстәм Закировны туган көне белән котлыйбыз! 11.05.2023 Якташыбыз Рөстәм Закировны туган көне белән котлыйбыз!

Бүген, 11 май көнне якташыбыз Рөстәм Раиф улы Закировның туган көне! Арча якташлыгы Сезне чын күңелдән туган көне белән тәбрик итә!

Сезгә, хәерле озын гомер, нык сәламәтлек, яңадан-яңа иҗади уңышлар тели. Һәрвакытта да шулай шат, көләч йөзле, изге күңелле булып калыгыз. Иҗат чишмәгез бервакытта да саекмасын. Алга таба да шатлыкта, куанычта, бәхеттә яшәргә язсын Сезгә

Арчаның 6нчы мәктәбе укучылары Бөек Ватан сугышы һәм тыл ветераннарына ярдәм итә 10.05.2023 Арчаның 6нчы мәктәбе укучылары Бөек Ватан сугышы һәм тыл ветераннарына ярдәм итә
Арчаның 6нчы мәктәбе Җиңү волонтерлары илебез тарихына битараф түгел. Илебез халкы Бөек Җиңүнең 78 еллыгын билгеләп үтәргә җыенган көннәрдә алар исән булган Бөек Ватан сугышы һәм тыл ветераннарының өйләрендә булып, аларга йорт эшләрендә булышты. Шулай ук алар шәһәр зиратында каберләрне чистартты.

Арча үзәгендә тантаналы парад һәм бәйрәм митингы узды 09.05.2023 Арча үзәгендә тантаналы парад һәм бәйрәм митингы узды
Шәһәребездә Бөек Җиңүнең 78 еллыгына багышланган тантаналы бәйрәм чарасы булды

Мәктәп укучылары һәм бакча балалары катнашындагы вальс, әдәби-музыкаль мәйданчыклар, кыр кухнясы, мәктәп музейлары экспозицияләре парад башланганчы һәркемгә бәйрәм кәефе бүләк итте.

Хезмәт коллективлары, мәгариф оешмалары һәм хәрби хәрәкәтләрдә катнашучылардан торган Бөек Җиңү парады узганнан соң, бәйрәм чарасының төп өлеше тантаналы митинг башланды. Аны район башлыгы Илшат Нуриев ачып җибәрде һәм бәйрәм белән котлады.

Сугыш, тыл ветераннарын Җиңү көне белән котлаулар дәвам итә 08.05.2023 Сугыш, тыл ветераннарын Җиңү көне белән котлаулар дәвам итә
Бүген район авыл хуҗалыгы һәм азык-төлек идарәсе исеменнән икьтисад бүлеге җитәкчесе Марат Абдуллин сугыш ветераннарын, хәлләрен сорашып, Җиңү көне белән котлап, бүләкләр тапшырды. Алар: Күлтәстән 1927 елгы Гарәфетдин Зиннуров, Иске Йорттан 1926 елгы Равил Фазлыев һәм Симетбаштан 1922 елгы Габдрахман Сафин. Габдрахман абый Сафин Лаешта балаларында. Аның бүләкләрен баларына тапшырдылар. Симетбаштан узган ел 100 яшен тутырган сугыш ветераны Габдрахман Сафин. Күлтәстән сугыш ветераны Гарәфетдин Зиннуров.Иске Йорттан сугыш ветераны Равил Зиннуров.

Музей-утарда «Салават җыр театры» концерты була 07.05.2023 Музей-утарда «Салават җыр театры» концерты була

78 еллыгы уңаеннан Арча районы Иске Кишет авылындагы Советлар Союзы Герое генерал-лейтенант Гани Сафиуллинның музей-утарында "Салават җыр театры" концерт программасы тәкъдим итә. Бәйрәм чарасына көтеп калабыз.

Бәйрәм 8 майда 14 сәгать 30 минутта башлана.

Арчаның 2нче мәктәбендә “Җиңү тәрәзәләре” бизиләр 07.05.2023 Арчаның 2нче мәктәбендә “Җиңү тәрәзәләре” бизиләр
9 май – Бөек Җиңү көне якынлаша. Шул уңайдан районыбыз мәктәпләрендә дә төрле чаралар уза. Бу көннәрдә Арчаның икенче мәктәбендә дә илебезне фашистлардан саклап калган бабаларыбыз – совет геройларының истәлеген мәңгеләштерүгә багышланган күп төрле чаралар уза. Шуларның берсе – “Җиңү тәрәзәләре” акциясе.

Соңгы сулышына кадәр өметен өзмәде 07.05.2023 Соңгы сулышына кадәр өметен өзмәде

“Яшисем килми аннан башка,” – дигән уйлар да килә Илгизнең башына. Әмма үзен кулга ала. Ярамый, күзенә карап торган балаларын кеше итәсе бар бит аның.

Сурнарда яшәүче Илгиз Гыйззәтуллинның ул вакыттагы хәлен үз башына төшкән кеше генә аңлый ала. Хатыны Ясминур 44 яшендә вафат була. 47 яшьлек ир дүрт бала белән ялгызы кала.

Арчалар башкача булдыра алмый 06.05.2023 Арчалар башкача булдыра алмый

Арча районы “Арча ягы - туган төбәгебез, шул төбәкнең милли бизәге без” дип исемләнгән концерт-тамаша тәкьдим итте.

Ул Татарстанның Мәдәни башкаласы” бәйге-фестивале кысаларында оештырылды.

К.Тинчурин театрында Арчалар һөнәрләрен, иҗатларын күрсәтәчәк! 05.05.2023 К.Тинчурин театрында Арчалар һөнәрләрен, иҗатларын күрсәтәчәк!
Бүген, 5 нче май көнне, К.Тинчурин театрында Арчалар һөнәрләрен, иҗатларын күрсәтәчәк! Арчалар булган җирдә һәрвакыт күңелле була инде ул! Сез дә килегез, якташларыбыз белән кабаттан аралашып китегез! Башлана 16:00 сәгатьтә. Рәхим итегез!
Керү ирекле, теркәлү кирәк https://forms.yandex.ru/u/6447ccd173cee7000ea861af/

Юныс Шәрәфиев Бөек Ватан сугышының башыннан ахырына кадәр сафта кала 05.05.2023 Юныс Шәрәфиев Бөек Ватан сугышының башыннан ахырына кадәр сафта кала
Республика халкы «ВКонтакте» социаль челтәрләрендә әби-бабаларыбыз кылган батырлыклар хакында #МойГеройМояСемья хэштегы белән язмалар урнаштыра. Алар белән сайтыбызда таныштырып барабыз. Түбәндә Кайбыч районы редакциясе журналисты Ләйсән Саттарова язмасы. Курса Почмакта туып үсүче Ләйсән бүген гаиләсе белән Кайбычта гомер итә.

«Татарстанның мәдәни башкаласы» конкурсы кысаларында Арча районы мәдәни программа тәкъдим итәчәк 04.05.2023 «Татарстанның мәдәни башкаласы» конкурсы кысаларында Арча районы мәдәни программа тәкъдим итәчәк
Иртәгә, 5 май көнне, 16:00 сәгатьтә  «Татарстанның мәдәни башкаласы» конкурсы кысаларында Арча районы үзенең мәдәни программасын тәкъдим итәчәк.

Кәрим Тинчурин исемендәге Татар дәүләт драма һәм комедия театрында «Татарстанның мәдәни башкаласы» конкурсы кысаларында Арча муниципаль районы башкала кунакларын төбәкнең гореф-гадәтләре, һөнәрчеләре һәм иҗатчылары белән таныштырачак.

Бүген якташыбыз Фәвия Сафиуллинаның туган көне! 04.05.2023 Бүген якташыбыз Фәвия Сафиуллинаның туган көне!
Сафиуллина Фәвия Әхтәм кызы 1959 елның 4 маенда Арча районының Ташкичү авылында туган, тапшырулар алып баручы, Татарстан Республикасының Атказанган мәдәният хезмәткәре, Татарстан Республикасының Свердловск өлкәсендәге даими вәкиле.

Арча районы мәдәният көне 03.05.2023 Арча районы мәдәният көне
5 май көнне Кәрим Тинчурин исемендәге Татар дәүләт драма һәм комедия театрында Арча муниципаль районы мәдәни программа тәкъдим итәчәк. Башлана 16:00 сәгатьтә.

Бүген якташыбыз Насыйбуллин Исрафил Рәхмәтулла улының туган көне! 03.05.2023 Бүген якташыбыз Насыйбуллин Исрафил Рәхмәтулла улының туган көне!
Бүген, 3 май көнне якташыбыз Насыйбуллин Исрафил Рәхмәтулла улының туган көне! “Арча якташлыгы” җәмәгать оешмасы Сезне туган көнегез белән тәбрик итә!

Беренче мәктәп-беренче 03.05.2023 Беренче мәктәп-беренче
Арчада "Куркынычсыз тәгәрмәч" ярышлары үтте. Анда районның һәр мәктәбеннән яшь юл хәрәкәте инспекторлары катнашты. Ярышта беренче урынны Арчаның беренче мәктәбе командасы яулады.

День культуры Арского района 02.05.2023 День культуры Арского района
5 мая 2023 года Арский муниципальный район представит культурную программу и поборется за звание  «Культурная столица Татарстана»!

Монда тавык-чебешкә генә түгел, мондагы хозурлыкны карарга да киләләр 02.05.2023 Монда тавык-чебешкә генә түгел, мондагы хозурлыкны карарга да киләләр
Якты Көн авылындагы Бариевларның кошчылык фермасына тавык-чебеш алу өчен генә түгел, андагы матурлыкны күреп хозурлану өчен дә киләләр икән. Без дә сокландык андагы матурлыкка! “Көннәр җылынып беткәч чәчәкләр дә утыртабыз әле” – ди Рәзимә Бариева. Аларның Арчадагы йорт яннары да чәчәкләргә күмелгән.

Алар авырлыкларны күргән буын 01.05.2023 Алар авырлыкларны күргән буын

Район ветераннар советы рәисе Рәмзия Хәмидуллина хәбәр итә.

Утар Аты авыл җирлегендә тыл ветераннарын Җиңү көне белән котладылар, күчтәнәчләр бирделәр. 

Район башлыгы Илшат Нуриев алдынгыларны котлады 30.04.2023 Район башлыгы Илшат Нуриев алдынгыларны котлады

Район башлыгы Илшат Нуриев яхшы эшләгән хуҗалыкларга бүләкләр тапшырды.

Март  аенда терлекчелек буенча “Яңарыш” ширкәте беренче урында, “Кырлай” ширкәте – икенче, “Северный” ширкәте өченче.    Язгы кыр эшләренә техниканы иң яхшы әзерләүчеләр: “Заря” һәм “Кырлай” ширкәтләре – беренче, “Игенче” – икенче, “Северный” һәм “Яңарыш” ширкәтләре өченче.

Рузалия апа Насибуллинаның «Дини бәйрәмнәр һәм йолалар!” дигән китабы чыкты 28.04.2023 Рузалия апа Насибуллинаның «Дини бәйрәмнәр һәм йолалар!” дигән китабы чыкты

Татарстан Республикасында хатын-кыз исемнәре: тарих һәм хәзерге заман" исемле региональ проектны гамәлгә ашыру кысаларында Ашытбаш мәдәният йортында "Дини бәйрәмнәр һәм йолалар" дип исемләнгән очрашу булып узды. Анда үзләренең бөтен гомерләрен балаларга тәрбия һәм белем бирүгә багышлаган педагог, остазлар чакырылган иде. Кичәнең кунагы Россиянең мәгариф отличнигы, озак еллар Ташкичү мәктәбе директоры булып эшләгән Рузалия апа Насибуллина үзенең яңа басылып чыккан “Дини бәйрәмнәр һәм кичәләр” китабы белән таныштырды. Китапның һәр бүлегенә кыскача аңлатма биреп үтте.


“Ялкын” журналы “Шәп блогер” медиамәктәбе Арчага килде 27.04.2023 “Ялкын” журналы “Шәп блогер” медиамәктәбе Арчага килде
Арча педагогия көллиятенең актлар залы умарта оясын хәтерләтте. “Ялкын” журналы оештырган “Шәп блогер” медиамәктәбе проекты кысаларында Арчага журналның баш мөхәррире Илназ Фазуллин, аның урынбасары Рәмзия Галимова һәм танылган блогерлар Илнар Идрисов, Александр Ситников, Ксения Романова һәм Олеся Дмитриева килде. Көллият студентлары һәм гимназия сыйныфы укучылары үзләренең яраткан блогерларын көчле алкышлар астында каршы алдылар. Яшүсмерләр һәм яшьләр өчен кызыклы очрашу булды ул. Алар рәхәтләнеп блогерлар белән аралашты, алар белән фотога, видеога төште, үзләре видео төшерде, автографлар алды.

Арча районында “Тукай марафоны-2023” үтте 26.04.2023 Арча районында “Тукай марафоны-2023” үтте

Ел саен оештырылып килүче спорт бәйрәме быел да Габдулла Тукайга багышлап, аның туган көнендә уздырылды.

Тарихка күз салсак, әлеге ярышлар 1979 елдан бирле оештырылып килә. Аны башлап җибәрүчеләр булып ветеран спортчылар Ленар Заһидуллин һәм Барый Бакиров тора. 
Быелгы “Тукай марафоны”на старт бирелгәнче, Арча районы башлыгы Илшат Нуриев барлык катнашучыларны сәламләп уңышлар теләде.

Бүген якташыбыз, шагыйрә, галим, тәрҗемәче Чулпан Зарифның туган көне! 25.04.2023 Бүген якташыбыз, шагыйрә, галим, тәрҗемәче Чулпан Зарифның туган көне!

Чулпан Зариф (Чулпан Әфрәим кызы Зарипова-Четин) 1969 елның 25 апрелендә Арча районы Субаш-Аты авылында укытучылар гаиләсендә туа. 1975 елда гаиләсе Арчага күчеп килү сәбәпле, урта мәктәпне Арчада тәмамлый. Мәктәптә укыган елларда район газетасы каршында Радик Фәизов җитәкчелегендәге «Тукай якташы» исемле әдәбият-сәнгать түгәрәгенә йөри, телевидение тапшыруларында катнаша. Татар һәм рус телендә язылган шигырьләре матбугатта күренә башлый.

Остазлардан үрнәк алабыз 24.04.2023 Остазлардан үрнәк алабыз
2023 ел Россия Президенты Владимир Путин Указы белән “Укытучылар һәм остазлар” елы дип игълан ителде. Бу укытучы һөнәренең дәрәҗәсен арттыру һәм шушы һөнәргә яшьләрне җәлеп итү максатын күз уңында тота. Ел дәвамында шушы юнәлештә төрле чаралар үткәреләчәк. 8 апрель көнне Хәкимов Д.Г. исемендәге Түбән Мәтәскә урта мәктәбендә Түбән Мәтәскә авылында туып үскән, шул авыл мәктәбендә белем алган, үзенең хезмәт юлын башлаган, белем һәм тәрбия биргән педагог, бүгенге көндә Татарстан Республикасы Мәгариф һәм фән министрлыгының өстәмә һөнәри белем бирүне үстерү бүлеге мөдире Шәяхмәтова Роза Искәндәр кызы белән очрашу оештырылды. Аны педагог-оештыручы Исмәгыйлева Гүзәл Альберт кызы һәм башлангыч сыйныфлар укытучысы Шиһабиева Лилия Рәфкать кызы, йөрәкләргә  үтеп керерлек, күңелләрдә онытылмаслык хисләр калдырырлык итеп, алып бардылар.

Арчада Гает бәйрәме 21.04.2023 Арчада Гает бәйрәме

Бүген районыбызның барлык мәчетләрендә ураза Гаете намазлары узды.

Авылларда ул иртәнге биштә укылды. Бөтен авылларда да шулай булгандырмы, белмим. Шәхсән Наласа мәчетендә алма төшәрлек тә урын юк иде. Авылның олысы -кечесе бирегә җыелган. Я Раббым, җомга намазлары, көндәлек намазларда да мәчетләребезнең шулай тулы булуын күрергә насыйп итсәң иде!

Якташыбыз Сания Әхмәтҗанова туган көне белән котлыйбыз! 20.04.2023 Якташыбыз Сания Әхмәтҗанова туган көне белән котлыйбыз!

Бүген, 20 нче апрель көнне якташыбыз, шагыйрә Сания Юныс кызы Әхмәтҗанованың туган көне! “Арча якташлыгы” җәмәгать оешмасы Сезне чын күңелдән туган көнегез белән тәбрик итә!

Сезгә нык сәламәтлек, күңел тынычлыгы, кайгы-хәсрәтсез көннәр, имин тормыш, якыннарыгызның игелеген күреп, бәхетле, бәрәкәтле, озын гомер кичерүегезне телибез!

Яңа Кырлайда республикакүләм Габдулла Тукай укулары үтте 19.04.2023 Яңа Кырлайда республикакүләм Габдулла Тукай укулары үтте
Габдулла Тукайның 137 еллыгы уңаеннан, яшь буынга рухи-әхлакый тәрбия бирүдә әдипнең тормыш юлын өйрәнү һәм иҗатын пропагандалау максатыннан Арча муниципаль районы Г.Тукай исемендәге Яңа Кырлай урта гомуми белем мәктәбе базасында 14 апрель көнне ХII Республикакүләм Габдулла Тукай укулары үткәрелде.  Укуларга барлыгы 205 фәнни һәм иҗади эш килде. Бигрәк тә Арча, Әтнә, Биектау,  Балык Бистәсе, Мөслим, Әлки, Кукмара, Әлмәт районнары, Казан шәһәре укучылары  һәм укытучылары укуларда актив катнаштылар һәм призлы урыннарга лаек булды. 14 нче апрель көнне  узган Габдулла Тукай укуларында республика мәктәпләреннән   килгән 76 укучының, 52 укытучының  эше тыңланды. Укучыларыбыз  5 төрле номинациядә: “Г.Тукай- журналист”, “Туган ягымның периодик басмалары”, «Казан утлары” журналы – тарихи елъязма”, “Татарстан радиосы тарихы”, “Тынычлык” темасына шигырь язу”; укытучылар «Габдулла Тукай- педагог”, «Сугыш чоры журналистлары”, “Укытучы- иҗади шәхес” исемле номинацияләрдә үзләренең хезмәтләрен якладылар

Якташыбыз Олеся Антипованы җиңүе белән котлыйбыз! 18.04.2023 Якташыбыз Олеся Антипованы җиңүе белән котлыйбыз!

Шурабаш мәктәбенең мари теле һәм әдәбияты укытучысы Олеся Антипова туган телләр һәм якшәмбе мәктәпләре укытучылары өчен Бөтенроссия бәйгесендә лауреат исеменә лаек булды.

Бәйгенең йомгаклау этабы Казан шәһәренең 27нче гимназиясендә үтте. Анда Татарстаннан 50 туган тел һәм әдәбият укытучысы, шул исәптән 15 татар теле, 9 рус теле, 6 чуаш теле, 5 мари теле, 2 удмурт теле укытучысы һәм 1 мордва теле укытучысы, шулай ук Россиянең башка төбәкләреннән 12 туган тел укытучысы катнашты.

Арча районы Апайкина Гарь авылында бер йорт янды 17.04.2023 Арча районы Апайкина Гарь авылында бер йорт янды
Апайкина Гарь авылында 15 апрельдә сәгать төнге 11нчы яртыларда янгын чыга. Резедә белән Марсель Заһидуллиннар йорты яна. Мунчадан электрдан чыккан дигән фараз бар. Бик авыр хәлләр. Ярый әле үзләре исән-сау. Марсель үзе автобуста эшли. Резедә лаклы ялда. Үзләренең балаларын үстереп олы тормышка  чыгарды инде алар. Тәрбиягә ике бала алдылар. Аның да кыз баласын үстереп кияүгә бирделәр. 9 сыйныфта укый торганы үзләре янында. Хөрмәтле райондашлар, сайтны укучылар, авыр хәлдә калган гаиләгә мөмкинлектән чыгып ярдәм итик. Изге Ураза аенда савап булыр.

Һәр өйнең бизәге булып торырлык 16.04.2023 Һәр өйнең бизәге булып торырлык
“Казан арты” тарих-этнография музее мәдәният идарәсе, район ветераннар советы белән берлектә “Гел бәрәкәт өстәп торсын ата-бабаларның һөнәре” исемле бәйге игълан иткән иде. Ул берничә номинацияне үз эченә алган. Шуның нигезендә районыбыз ветераннары төрле кул эшләнмәләрен алып килгән. 
Музейдагы күргәзмәдә нәрсәләр генә юк – күз явын алырлык һәр әйбер күңел җылысын биреп эшләнгән. Шуларга карыйм да, мин башкара алмас идем, дип уйлыйм. Оекбашлар, күлмәкләр генә түгел, пальтоларга кадәр (Сания ханым Кәбирова) бәйләгәннәр, картиналар (Галина Трубицына) чиккәннәр. 

Арчалар Балык Бистәсеннән уңышлар белән кайттылар 15.04.2023 Арчалар Балык Бистәсеннән уңышлар белән кайттылар
Ярышларда 10 районнан 104 көрәшче катнашты. Анда Арча егетләре дә бил алышты.
Арчаның 6нчы мәктәбе укучысы Искәндәров Ислам 1 нче урынны яулады.
Галләмов Данил - 3 нче урында.
Егетләр медаль, грамота, акчалата приз белән бүләкләнде.
Молодцы, егетләр. Егетләрне алып барган Искәндәров Алмазга "Арча" спорт комплексы җитәкчелеге бик зур рәхмәт әйтә.

Туган төбәгебез турында – инглиз телендә 14.04.2023 Туган төбәгебез турында – инглиз телендә
Узган атнада районыбыз мәктәпләре укучылары инглиз теле буенча “Минем туган ягым. Кешеләр, вакыйгалар, фактлар” фәнни-гамәли конференциясендә катнашты. Алар “Илләр, мәдәният һәм тарих”, “Геройлар кайдан барлыкка килә?” юнәлешләре буенча эшләгән эшләрен тәкъдим итте.

Звездныйдагы Арча егете турында: «Космонавтлар белән дус булуын беркемгә сөйләп йөрмәде» (»Интертат »,Энҗе Габдуллина) 13.04.2023 Звездныйдагы Арча егете турында: «Космонавтлар белән дус булуын беркемгә сөйләп йөрмәде» (»Интертат »,Энҗе Габдуллина)
12 апрель – Космонавтика көне. 1961 елның 12 апреле кешенең беренче тапкыр космоска очуы һәм Юрий Гагарин исеме белән бәйле көн. Татарлар арасында космонавтлар булмаса да, алар белән бергә эшләгән, Юрий Гагарин һәм Валентина Терешкова белән күрешкән кешеләр булган. Яңа Кенәр авылыннан Марс Хәкимов – шундыйларның берсе.

Быел бәрәңгене 11 майда утыртасы! 12.04.2023 Быел бәрәңгене 11 майда утыртасы!
Арча районының Ашытбаш авылында яшәүче халык синоптигы Рәис абый Шәкүровның үз фикере. Хәтерләсәгез, Рәис абый яз иртә киләчәк дип фаразлаган иде. Юраганы юш килде – яз чынлап та иртәләде.

Яңа Кенәрдә Ришат Галиуллин истәлегенә волейбол ярышы оештырылды 11.04.2023 Яңа Кенәрдә Ришат Галиуллин истәлегенә волейбол ярышы оештырылды
Яңа Кенәрдә Ришат Галиуллин истәлегенә волейбол ярышлары булды. Ришат авылның тырыш, яхшы кешесе иде, ди авылдашлары. Үз көче белән эшмәкәрлек эшен ачкан, мәчеткә өстәл, урындыклар эшләп биргән, авыл кешесенә ярдәмчел булган кеше ул.

Якташлары белән очрашу 10.04.2023 Якташлары белән очрашу
Кышкар авыл клубы, китапханә һәм башлангыч мәктәп белән берлектә талантлы якташыбыз, язучы, журналист, тәрҗемәче Мөнирә Сафина белән очрашу үткәргәннәр. Очрашу тамашачы күңелендә матур тәэсир калдырган.

Якташыбыз Фәрит Минхәиров югары бүләккә ия булды 09.04.2023 Якташыбыз Фәрит Минхәиров югары бүләккә ия булды
"Куркынычсызлык мәктәбе" ярышларын үстерү буенча озак еллар нәтиҗәле эшләве өчен якташыбыз Фәрит Минхәиров "Куркынычсызлык мәктәбе" Бөтенроссия балалар-яшүсмерләр иҗтимагый хәрәкәтенең "Куркынычсызлык культурасын пропагандалау өчен" медале белән бүләкләнде. 

Түбән Мәтәскә: туган ил кайдан башлана? 08.04.2023 Түбән Мәтәскә: туган ил кайдан башлана?
Укучыларның  туган яклары турындагы белемнәрен киңәйтү аша аларда патриотизм һәм кечкенә Ватаннары өчен горурлык хисе формалаштыру максатында оештырылган "Туган ил кайдан башлана?" проекты кысаларында  чираттагы дәрес-лекция Хәкимов Д.Г. исемендәге Түбән Мәтәскә урта  мәктәбендә үтте .  Арча муниципаль районы башкарма комитеты житәкчесе Гатиятов Ренат Мансур улы районның  авыл хуҗалыгы турында сөйләде, укучыларны кызыксындырган сорауларга җавап бирде.

Бүген, журналист, шагыйрь Фәридә Гариф кызы Шакированың туган көне! 07.04.2023 Бүген, журналист, шагыйрь Фәридә Гариф кызы Шакированың туган көне!
Бүген, танылган журналист, шагыйрь, күп хикәяләр, повестьлар авторы Фәридә Гариф кызы Шакированың туган көне!

Сезгә нык сәламәтлек, күңел тынычлыгы, кайгы-хәсрәтсез көннәр, имин тормыш, гаилә шатлыгы, балаларыгызның, якыннарыгызның игелеген күреп, бәхетле, бәрәкәтле, озын гомер кичерүегезне телибез!

Арча балалар сәнгать мәктәбендә шөгыльләнүчеләр Яр Чаллыдан җиңү яулап кайтты 07.04.2023 Арча балалар сәнгать мәктәбендә шөгыльләнүчеләр Яр Чаллыдан җиңү яулап кайтты

27-30 март көннәрендә Яр Чаллы шәһәрендә узган “Если бы...” XII Ачык Бөтенроссия балалар-яшүсмерләр сәхнә осталыгы фестиваль-конкурсында Арча балалар сәнгать мәктәбендә белем алучылар җиңү яулап кайтты.

“Театр. Кече формалар” номинациясендә “Әкият” коллективы III дәрәҗә, “Нәфис сүз” номинациясендә Әнвәр Мөхетдинов II дәрәҗә һәм Зөһрә Миннебаева III дәрәҗә лауреат булып, диплом һәм медальләр белән бүләкләнделәр. Җитәкчеләре – Ләйсән Ахунова.   
“Рәсем сәнгате һәм дизайн” номинациясендә Ольга Кочурова I дәрәҗә, Василиса Кочурова II дәрәҗә, “Фольклор” номаниациясендә чыгыш ясаучы “Бәллүр” коллективы  II дәрәҗә лауреат исеменә лаек булдылар. Аларның җитәкчеләре Зөлфия Кочурова. 

Арчаның күренекле шәхесе Ринат Фазлыәхмәтовны искә алдылар 06.04.2023 Арчаның күренекле шәхесе Ринат Фазлыәхмәтовны искә алдылар
“Казан арты” тарих-этнография музеенда Арчаның билгеле шәхесе, районда җаваплы эшләрдә эшләгән Ринат Фазлыәхмәтовны искә алу кичәсе булды. Исеме дә күңелне кузгатак торган – “Мине онытмагыз!”. Ринат Әхмәтгалиевич өенә хәлен белергә килүчеләргә “Мине онытмагыз!” – дип әйткән. Кай арада биш ел үтеп киткән. Әле генә хушлашкан кебек идек... Исән булса быел җәен 83 яшь тулган булыр иде. Ринат Әхмәтгалиевичны искә алырга чордашлары, заманында бергә эшләгән хезмәттәшләре, якыннан белгән, аралашкан кешеләр, кызы Гөлнара ханым һәм район башлыгының социаль мәсьәләләр буенча урынбасары Эльвира Вафина һ.б. килде. 

Театр көллиятендә укучы Алия Абдрәшитова: «Чын урман кисүче хатыннар тормышы белән яшәдек. Агач кистек, чаптык, ташыдык» 05.04.2023 Театр көллиятендә укучы Алия Абдрәшитова: «Чын урман кисүче хатыннар тормышы белән яшәдек. Агач кистек, чаптык, ташыдык»

Нурихан Фәттахның «Кырык дүртнең май аенда» әсәре буенча төшереләчәк нәфис фильмга кастинг узачагы турында язган идек. Март аенда әлеге фильм төшерелә башлады.

Фильм Арча якташлыгы җитәкчелегендә төшерелә. Фильмның продюсеры – К.Тинчурин театры директоры, Арча якташлыгы җәмгыяте җитәкчесе, Татарстанның атказанган мәдәният хезмәткәре Фәнис Мөсәгыйтов. 

Ике буын шагыйрьләре очрашты 04.04.2023 Ике буын шагыйрьләре очрашты
Арча җирлегендәге тәҗрибәле язучылар һәм яшь шагыйрьләр фатирник форматындагы әдәби-музыкаль кичәдә иҗатлары белән уртаклашты. Үзенчәлекле формат: каләм тибрәтүчеләр гүя бер фатирга җыелды. Биредә “Каурый каләм” әдәби-иҗат берләшмәсе әһелләре һәм яшь иҗатчылар фикер алышып, шигърият дөньясында илһамланды.
Мондый очрашуның төп оештыручылары – яшьләр белән бер дулкында булучы “Идел” журналы һәм шәһәребезнең үзәк китапханәсе. Агымдагы елның март аеннан старт бирелгән республикакүләм “Яңа исем” проекты төрле районнар буйлап яшь шагыйрьләрне һәм язучыларны барлый.

Күлтәс халкына нәсел шәҗәрәләре эшләп тапшырылды 03.04.2023 Күлтәс халкына нәсел шәҗәрәләре эшләп тапшырылды
Күлтәс авылы халкына яки гаиләләргә Казаннан нәсел шәҗәрәләре төзеп кайтарылды. Менә шул әзер шәҗәрәләр Күлтәс авылы клубында “Нәсел җебем – шәҗәрәм” дип аталган кичәдә авыл кешеләренә тапшырылды. Шәҗәрәләр үзебезнең авылдан чыккан шәхесләр Татарстанның архив эше буенча дәүләт комитеты рәисе Гөлнара Зәкәрия кызы Габдрахманова һәм Татарстан медицина техникасы һәм фармациясе дәүләт унитар предприятиесенең генераль директоры Олег Зәкәрия улы Акбәров ярдәме, тырышлыгы белән эшләнде. Бу кичә туган авылыбызның зур хөрмәткә лаек, олы йөрәкле шәхесләрен зурлау, игелекле эшләре өчен рәхмәт әйтү йөзеннән оештырылды. 

Өмәләр дәвам итә 02.04.2023 Өмәләр дәвам итә
Арча шәһәрендәге “Шәрык” территория үзидарәсе җитәкчесе Ринат Сафин катнашында шушы территориядә яшәүчеләр өмә оештырдылар. 10 яшьтән 75 яшькә кадәр 50ләп кеше катнашты өмәдә. Мәчет территориясен, балалар паркын, тыкрыкларны җыештырдылар. Бергәләп эшләүдән һәркем канәгать калды. Бигрәк тә ураза аенда игелекле эшләрне күбрәк эшлик.


Новости 301 - 400 из 3530
Страницы: